ସୁବର୍ଣ୍ଣପୁର :ଭୁଜାଲି ମାଡ଼ରେ ଯୁବକ ଗୁରୁତର (Fatal attack on young man)। ଏଭଳି ଘଟଣା ଘଟିଛି ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଥାନା ଅନ୍ତର୍ଗତ ହିଙ୍ଗମା ଗାଁରେ (Subarnapur Fatal attack news )। ସୂଚନାନୁସାରେ ଏହି ଗାଁରେ ଭାଗିରଥୀ ଭୋଇ ଓ ବିରେନ୍ଦ୍ର ନାଗ ମଧ୍ୟରେ ବିବାଦ ରହିଥିଲା । ଦୀର୍ଘ ଦିନ ତଳେ ଉଭୟଙ୍କ ମଧ୍ୟରେ କୌଣସି ଏକ ଘଟଣାକୁ ନେଇ ବିବାଦ ଦେଖା ଦେଇଥିଲା । ପରବର୍ତ୍ତୀ ସମୟରେ ତାହା ଶତୃତାରେ ପରିଣତ ହୋଇଥିଲା ।
ଏହାକୁ ନେଇ ଭାଗିରଥୀ ସବୁବେଳେ ବରେନ୍ଦ୍ର ଉପରେ ରାଗ ରଖୁଥିଲା । ଏପରିକି ବିରେନ୍ଦ୍ରଙ୍କୁ ହତ୍ୟା କରିବା ପାଇଁ ଯୋଜନା କରୁଥିଲା । ଆଜି ବିରେନ୍ଦ୍ର ଗାଁ ଭିତରକୁ ଯିବା ସମୟରେ ଭାଗିରଥୀ ବିରେନ୍ଦ୍ରକୁ ଭୁଜାଲିରେ ଆକ୍ରମଣ କରି ଘଟଣାସ୍ଥଳରୁ ଫେରାର ମାରିଥିଲା ।
ରାସ୍ତାରେ ରକ୍ତ ଜୁଡୁବୁଡୁ ଅବସ୍ଥାରେ ବିରେନ୍ଦ୍ର ପଡ଼ିଥିବା ଦେଖି ସ୍ଥାନୀୟ ଲୋକେ ବିରେନ୍ଦ୍ରଙ୍କ ପରିବାରକୁ ଖବର ଦେଇଥିଲେ । ଏହାପରେ ଥାନାକୁ ଫୋନ କରି ଜଣାଇଥିଲେ । ଖବରପାଇ ପୋଲିସ ଓ ପରିବାର ଲୋକେ ଘଟଣାସ୍ଥଳରେ ପହଞ୍ଚିଥିଲେ ।