ସୁବର୍ଣ୍ଣପୁର: ଜିଲ୍ଲା ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗ କାର୍ଯ୍ୟାଳୟ ସମ୍ମୁଖରେ ଶଙ୍କରା ଗାଁର ଚାଷୀଙ୍କ ଧାରଣା । ମଣ୍ଡିରେ ପଡିରହିଥିବା ଧାନ ବିକ୍ରି ଦାବି ନେଇ ଚାଷୀ ନେତା ବଳଦେବ ବେଦବାକଙ୍କ ନେତୃତ୍ୱରେ ଏକ ଚାଷୀ ପ୍ରତିନିଧି ଦଳ ସାମାଜିକ ଦୂରତ୍ୱ ରକ୍ଷା କରି ଧାରଣା ଦେଇଛନ୍ତି ।
ମଣ୍ଡିରେ ଧାନ ବିକ୍ରି ଦାବି, ସିଏସଓ ଅଫିସ ଆଗରେ ଚାଷୀଙ୍କ ଧାରଣା
ଶଙ୍କରା ଗାଁର ସମବାୟ ସମିତିରେ ପ୍ରାୟ 6000 କୁଇଣ୍ଟାଲ ଧାନ ପଡ଼ିରହିଛି । ହେଲେ ଧାନ ଉଠାଇବାକୁ କୌଣସି ପଦକ୍ଷେପ ନିଆଯାଉ ନ ଥିବା ଅଭିଯୋଗ ହେଉଛି । ଖୋଲା ଆକାଶ ତଳେ ଧାନ ପଡି ରହିଥିବାବେଳେ ଅଦିନିଆଁ ବର୍ଷାରେ ଭିଜୁଛି । ଏପରିକି ଚାଷୀମାନଙ୍କ ପାଇଁ ସମବାୟ ସମିତି ପରିସରରେ କୌଣସି ବ୍ୟବସ୍ଥା କରାଯାଇ ନାହିଁ । ଫଳରେ ଚାଷୀ ନିଜ ଉତ୍ପାଦିତ ଧାନ ବିକ୍ରି କରି ପାରୁ ନ ଥିବା ଅଭିଯୋଗ ହୋଇଛି ।