ସୁବର୍ଣ୍ଣପୁର: ଓଡିଶା ଏକ କୃଷି ପ୍ରଧାନ୍ୟ ରାଜ୍ୟ । ରାଜ୍ୟର ସବୁ ଜିଲ୍ଲାରେ ଅଧିକାଂଶ ଲୋକ କୃଷି ଉପରେ ବେଶ ନିର୍ଭରଶୀଳ । କୃଷି ବହୁଳ ଜିଲ୍ଲା ମଧ୍ୟରୁ ସୁବର୍ଣ୍ଣପୁର ଅନ୍ୟତମ । ଧାନଚାଷକୁ ଏହି ଜିଲ୍ଲାରେ ବେଶ ପ୍ରଧାନ୍ୟ ଦିଆଯାଏ । ଯାହା ଫଳେରେ ସୁବର୍ଣ୍ଣପୁରକୁ ରାଜ୍ୟର ଭାତହାଣ୍ଡି ବୋଲି କୁହାଯାଏ । ଧାନ ସହିତ ଅଣଧାନ ଫସଲ ଓ ଅର୍ଥକାରୀ ଫସଲରେବି ଜିଲ୍ଲା ତାର ଆବଶ୍ୟକତା ପୂରଣ କରି ପାରୁଛି । ହେଲେ କୃଷି ଓ କୃଷକର ଉନ୍ନତି ପାଇଁ ତିଆରି ହେଉଥିବା ଯୋଜନାର ଠିକ ଭାବେ କାର୍ଯ୍ୟକାରୀ ହୋଇ ପାରୁନ ଥିବା ଅଭିଯୋଗ କରିଛନ୍ତି ଚାଷୀ । ଖରା ଦିନରେ ଜଳ । ଯୋଗାଣର ସମସ୍ୟା ଦେଖାଯାଉ ଥିବା ବେଳେ ବିଭିନ୍ନ ସମୟରେ ପାଣି ଅଭାବରେ ମରୁଡି ଦେଖିବାକୁ ମିଳିଛି । ଜଳସେଚନ ବ୍ୟବସ୍ଥାରେ ସୁଧାର ଆଣିବା ସହିତ ଭୂତଳ ଜଳ ସଂରକ୍ଷଣ କରିବା ପାଇଁ ଚେକଡ୍ୟାମ ପୁନଃ ନିର୍ମାଣ ଦାବି ।
ଜିଲ୍ଲାର ଚାରୋଟି ବ୍ଳକର ଜଳସେଚନ ବ୍ୟବସ୍ଥା ସଠିକ ଭାବେ କାର୍ଯ୍ଯକାରୀ ହେଉନଥିବା ଅଭିଯୋଗ କରିଛନ୍ତି ଚାଷୀ । ମରୁଡ଼ିଗ୍ରସ୍ତ ଚାଷ ଜମିକୁ ଜଳସେଚିତ କରିବା ପାଇଁ ଜିଲ୍ଲାରେ ଶହଶହ ଚେକ ଡ୍ୟାମ ନିର୍ମାଣ କରାଯାଇଛି । ନଦୀ ନାଳ ବହୁଳ ଜିଲ୍ଲାରେ ଭୂତଳ ଜଳ ସଂରକ୍ଷଣ ତଥା ଚାଷ ଜମିକୁ ଉତ୍ପାଦନକ୍ଷମ କରିବା ପାଇଁ ପଞ୍ଚାୟତିରାଜ ବିଭାଗ ପକ୍ଷରୁ ଛୋଟଛୋଟ ନାଳ ଗୁଡିକରେ ଚେକ ଡ୍ୟାମ ନିର୍ମାଣ କରାଯାଇଥିଲା । ହେଲେ ଅଧିକାଂଶ ଚେକ ଡ୍ୟାମ ଅତି ଛୋଟ ଛୋଟ ନାଳ ଗୁଡିକ ଅବା ପଡିଆ ଭୂଇଁ ପରି ଯାଗାରେ ତିଆରି କରାଯାଇଥିବାରୁ ସେସବୁ ବ୍ୟବହାରକୁ ଆସି ପାରୁ ନାହିଁ । ବର୍ଷା ଦିନରେ ବି ଚେକ ଡ୍ୟାମଗୁଡିକରେ ପାଣି ରହୁ ନାହିଁ । ଚେକ ଡ୍ୟାମଗୁଡିକର ଉଭୟ ପାର୍ଶ୍ୱରେ ଆବଶ୍ୟକ କେନାଲ ବ୍ୟବସ୍ଥା ଅବା ମାଟି ହୁଡ଼ା ତିଆରି କରାଯାଇ ନଥିବାରୁ ଚେକ ଡ୍ୟାମ ଗୁଡ଼ିକରେ ପାଣି ରହୁ ନାଥିବା ଚାଷୀ ଅଭିଯୋଗ କରିଛନ୍ତି ।