ସୁବର୍ଣ୍ଣପୁର: ଜିଲ୍ଲାରେ ଚଳିତ ରବି ଋତୁରେ ଚାଷୀମାନେ ଟୋକନ ଅଭାବରୁ ଧାନ ବିକ୍ରି କରି ପାରୁନଥିବା ଅଭିଯୋଗ ହେଉଛି । ଚାଷୀ ଯେତିକି ଟୋକନ ପାଉଛନ୍ତି ତାଠୁ ଅଧିକ ଚାଷଜମିରେ ଧାନ ଉତ୍ପାଦନ କରୁଛନ୍ତି । ବିଶେଷକରି ଉଠା ଜଳସେଚନ ମାଧ୍ୟମରେ ଚାଷୀ ପଡିଆ, ଆଟ, ମାଳ ଆଦି କିସମ ଜମିରେ ଧାନ ଉତ୍ପାଦନ କରୁଥିବା ବେଳେ ସେହି ଜମିର ଉତ୍ପାଦନକୁ ବିକ୍ରି କରିବା ପାଇଁ ସୋମାନଙ୍କୁ ଟୋକନ ମିଳୁନାହିଁ ।
କ୍ଷେତରେ ଗଜା ହେଉଛି ଧାନ, କ୍ଷତିଗ୍ରସ୍ତ ଚାଷୀ
ଏହି ମାମଲା ବିରୋଧରେ ଚାଷୀ ଜିଲ୍ଲା ଖାଦ୍ୟ ଯୋଗାଣ ଓ ଖାଉଟୀ କଲ୍ୟାଣ ଅଧିକାରୀଙ୍କ ପାଖରେ ବାରମ୍ବାର ଅଭିଯୋଗ କରିଥିବା ବେଳେ ସେମାନଙ୍କ ଦାବିକୁ କର୍ଣ୍ଣପାତ କରୁ ନଥିବା ଅଭିଯୋଗ ହେଉଛି । ଗୋଟିଏ ପଟେ ଟୋକନ ମିଳୁନଥିବା ସମସ୍ୟା । ଆଉ ଅନ୍ୟପଟେ ଅଦିନିଆ ବର୍ଷାରେ ଚାଷୀ ବେଶ କ୍ଷତିଗ୍ରସ୍ତ ହେଉଛି । ବର୍ଷା ଯୋଗୁଁ ଚାଷଜମିରେ ଧାନ ଗଜା ହୋଇ ଯାଉଥିବା ଦେଖିବାକୁ ମିଳିଛି ।