ସୁବର୍ଣ୍ଣପୁର: ବିଭିନ୍ନ ଦାବି ନେଇ ଜିଲ୍ଲାର ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରିଛନ୍ତି ଚାଷୀ । ତେଲନଦୀରୁ ଏକ ମେଗା ଜଳସେଚନ ପ୍ରକଳ୍ପ କୁମ୍ଭାରମୁଣ୍ଡାରେ ପ୍ରତିଷ୍ଠା କରିବା ଦାବିରେ ସୁବର୍ଣ୍ଣପୁର ଜିଲ୍ଲା ତରଭା ବ୍ଳକ କୁମ୍ଭାରମୁଣ୍ଡା ଗ୍ରାମ ପଞ୍ଚାୟତର ଚାଷୀ ମାନେ ଶୁକ୍ରବାର ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ବିକ୍ଷୋଭ ପ୍ରଦର୍ଶନ କରିଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ସୁବର୍ଣ୍ଣପୁର
ଚଳିତ ବର୍ଷ ତରଭା ବ୍ଳକରେ ଆବଶ୍ୟକ ପରିମାଣର ବର୍ଷା ହୋଇଥିଲା । ମାତ୍ର ଜୁଲାଇ ମାସରେ 141 ମିଲିମିଟର ବର୍ଷା ହୋଇଥିବାରୁ ହେକ୍ଟର ହେକ୍ଟର ଚାଷଜମିରେ ତଳି ଜଳି ଯିବାକୁ ବସିଲାଣି । ପାଣି ଅଭାବରୁ ଏଥର ରୁଆ ହୋଇପାରିନାହିଁ । ଏଥିସହ ଆଟ, ମାଳ ଓ ବେର୍ଣ୍ଣା କିସମର ଜମିରୁ ଚାଷୀ କିଛି ଅମଳ କରିବାର ଆଶା ମଉଳି ଯାଇଛି । ଫଳରେ ଚାଷଜମି ସବୁ ଉତ୍କଟ ମରୁଡିର ସମ୍ମୁଖୀନ ହୋଇଛି ।