ସୁବର୍ଣ୍ଣପୁର: ଜିଲ୍ଲା ଦେବୋତ୍ତର ବିଭାଗ ପକ୍ଷରୁ ଶୁକ୍ରବାର ଦେବୋତ୍ତର ଭୂ-ସମ୍ପତ୍ତି ଉପରେ ନିର୍ମାଣାଧିନ ଧାନ ଘର ଓ ଗୁହାଳକୁ ଉଚ୍ଛେଦ କରାଯାଇଛି । ଦେବୀ ବୁଢୀ ମା’ ସମଲେଇଙ୍କ ଜମି ଉପରେ ସେବାୟତ ରଘୁନାଥ ଥନାପତି ଏକ ଧାନ ଘର ନିର୍ମାଣ କରିସାରିଥିବା ବେଳେ ଏକ ଗୁହାଳ ପାଇଁ ନିହ ଖୋଳୁଥିଲେ । ତେବେ ସେବାୟତଙ୍କ ଉପରେ ଏହା ବେଆଇନ ଭାବେ ଦେବୋତ୍ତର ବିଭାଗ କାର୍ଯ୍ୟାନୁଷ୍ଠାନ ନେଇଛି ବୋଲି ଅଭିଯୋଗ ହୋଇଛି । ଦେବୀ ମା’ ବୁଢୀ ସମଲେଇଙ୍କ ସେବା ପୂଜା ପାଇଁ ପ୍ରାୟ ୫ ଏକର ପରିମିତ ଜାଗାର ବ୍ୟବସ୍ଥା କରାଯାଇଛି । ସେବା ପୂଜା ପାଇଁ ମାସିକ କୌଣସି ଆର୍ଥିକ ବ୍ୟବସ୍ଥା ନାହିଁ । ଜମି ଚାଷ କରି ସେବା ପୂଜା କରିବା ପାଇଁ ପଟ୍ଟାରେ ମାର୍ଫତ ସେବାୟତଙ୍କ ନାଁ ବି ଉଲ୍ଲେଖ ରହିଛି ।
ସେବାୟତକୁ ବେଆଇନ ଭାବେ ବେଦଖଲ କରିଥିବା ଅଭିଯୋଗ