ସୁବର୍ଣ୍ଣପୁର: ସହରର ୱାର୍ଡ ନମ୍ବର-1ର ପୂର୍ତ୍ତ ବିଭାଗର ରାସ୍ତା ମରାମତି କାମ ଆରମ୍ଭ ହୋଇଛି । ‘ଇଟିଭି ଭାରତ’ରେ ଖବର ପ୍ରସାରଣ ପରେ ପୂର୍ତ୍ତ ବିଭାଗ ରାସ୍ତା କାମ ଆରମ୍ଭ କରିଛି । ସହରର ପ୍ରୋଗ୍ରେସ ଇନ ପଛରେ ଥିବା ପୂର୍ତ୍ତ ବିଭାଗ ରାସ୍ତାଟିର ଅବସ୍ଥା ଶୋଚନୀୟ ହୋଇ ପଡ଼ିଥିଲା। ରାସ୍ତାରେ ଆଣ୍ଠୁଏ ଡ୍ରେନ ପାଣି ଜମି ରହୁଥିଲା।
ଖବର ପ୍ରସାରଣ ପରେ ରାସ୍ତା କାମ ଆରମ୍ଭ
ତେବେ ରାସ୍ତାରେ ଜମି ରହୁଥିବା ପାଣି ବର୍ଷା ପାଇଁ ନୁହେଁ, ବରଂ ଝୁପୁଡିପଡାର ଅଞ୍ଚଳବାସୀ ବ୍ୟବହାର କରୁଥିବା ଡ୍ରେନ ପାଣି ଆଜିକୁ 6 ମାସରୁ ଅଧିକ ହେଲା ରାସ୍ତା ଉପରେ ଜମି ରହୁଥିଲା। ରାସ୍ତାର ଗୋଟିଏ ପାର୍ଶ୍ୱରେ ଘରୋଇ ପାଚେରୀ ନିର୍ମାଣ ହେଉ ଥିବାରୁ ପାଣି ଆଉ ଅପର ପାର୍ଶ୍ୱକୁ ଯାଇପାରୁ ନ ଥିଲା। ଫଳରେ ଜନସାଧାରଣଙ୍କ ଯାତାୟାତରେ ଘୋର ସମସ୍ୟା ଦେଖା ଦେଇଥିଲା ।