ସୁବର୍ଣ୍ଣପୁର: ଉପରମୁଣ୍ଡରେ ଜଳ ସ୍ତର ବଢିବାରୁ ହୀରାକୁଦ ଜଳଭଣ୍ଡାରର ୨୪ଟି ଗେଟରେ ଏବେ ଜଳ ନିଷ୍କାସନ ହେଉଛି । ଫଳରେ ଭୟ ଓ ଆତଙ୍କରେ ନଦୀ କୂଳିଆ ଲୋକେ । ଜଳ ନିଷ୍କାସନ ଯୋଗୁଁ ଏବେ ଅନେକ ନଦୀରେ ଜଳସ୍ତର ବଢିଛି । ଅନେକ ଅଞ୍ଚଳର ବ୍ରିଜ ଉପରେ ଏବେ ପାଣି ଚାଲୁଥିବାରୁ ଯାତାୟତ ବାଧାପ୍ରାପ୍ତ ହୋଇଛି ।
ସୂବର୍ଣ୍ଣପୁର ମହାନଦୀର ବ୍ରିଜ ଉପରେ ଆଣ୍ଠୁଏ ପାଣି, ଯାତାୟତ ବାଧାପ୍ରାପ୍ତ
ଜଳ ନିଷ୍କାସନ ଯୋଗୁଁ ସୂବର୍ଣ୍ଣପୁର ମହାନଦୀର ଜଳସ୍ତର ବଢିଛି । ଫଳରେ ଜିଲ୍ଲାର ବିଜେପୁର ଧର୍ମଶାଳା ବ୍ରିଜ ଉପରେ ଆଣ୍ଠୁଏ ପାଣି ଚାଲୁଥିବାରୁ ଯାତାୟତରେ ବାଧା ପ୍ରାପ୍ତ ହୋଇଛି । ଫଳରେ ଯାତ୍ରୀମାନେ ସୁବର୍ଣ୍ଣପୁର ସମ୍ବଲପୁର ରାଜ୍ୟ ରାଜପଥରେ ବାଘଲପୁର ଛକ ଦେଇ ଧର୍ମଶାଳା ,ବୀରମହାରାଜପୁର ,ରେଢାଖୋଲ ଆଦି ଅଞ୍ଚଳକୁ ଯାଉଛନ୍ତି । ବଢି ପାଣି ଯୋଗୁଁ ନଦୀକୂଳିଆ ଅଞ୍ଚଳ ବିଜେପୁର ,ହିକୁଡି ,ନିମ୍ନା ,ଦଶରାଜପୁର ପରି ପ୍ରାୟ 20 ଖଣ୍ଡରୁ ଅଧିକ ମୌଜାର ଚାଷଜମି ଏବେ ଜଳମଗ୍ନ ହୋଇଛି ।