ସୁବର୍ଣ୍ଣପୁର:ମଦୁଆ ଡ୍ରାଇଭର ଗିରଫ । ମହଙ୍ଗାପଡିଲା ମଦପିଇ ବସ ଚଳାଇବା । ବସକୁ ଅଟକାଇ ଡ୍ରାଇଭରକୁ ଗିରଫ କଲା ପୋଲିସ । ଏଭଳି ଏକ ଘଟଣା ଦେଖିବାକୁ ମିଳିଛି ସୁବର୍ଣ୍ଣପୁର ସହରର ବ୍ଲକ ଛକରେ । ସୋନପୁର ପୋଲିସ ଏକ ଯାତ୍ରୀବାହି ବସକୁ ଜବତ କରିବା ସହିତ ମଦ୍ୟପ ଡ୍ରାଇଭରକୁ ଗିରଫ କରିଛି ।
ମଦପିଇ ବସ ଚଳାଉଥିଲେ ଡ୍ରାଇଭର
ସୂଚନା ଅନୁସାରେ, ନୟାଗଡ ରଙ୍ଗମାଟି ଗାଁରୁ ଏକ ଯାତ୍ରୀବାହି ବସ ହରିଶଙ୍କର ଅଭିମୁଖେ ବାହାରିଥିଲା । ତେବେ ଡ୍ରାଇଭର ଜଣକ ପୁରୁଣା କଟକରେ ପ୍ରଚୁର ମଦ୍ୟପାନ କରିଥିବା ନେଇ କୌଣସି ଏକ ସୁତ୍ରରୁ ଖବର ପାଇଥିଲା ପୋଲିସ । କାହ୍ନା ଟ୍ରାଭେଲ୍ସ ନାମକ ବସଟିର ପରମିଟ ନ ଥିବା ବେଳେ ଶ୍ରଦ୍ଧାଳୁମାନଙ୍କୁ ନେଇ ରାତିରେ ହରିଶଙ୍କର ପର୍ଯ୍ୟଟନ ପୀଠ ଅଭିମୁଖେ ଯାଉଥିବା ବେଳେ ପୋଲିସ ଜବତ କରିଛି । ଡ୍ରାଇଭର ନାଁରେ ଏକ ମାମଲା ରୁଜୁ କରିଥିବା ବେଳେ ଯାତ୍ରୀମାନେ କୌଣସି ଉପାୟ ନପାଇ ଥାନାରେ ରହିଛନ୍ତି ।