ସୁବର୍ଣ୍ଣପୁର: ଜିଲ୍ଲା କଂଗ୍ରେସ କମିଟି ପକ୍ଷରୁ ସ୍ଥାନୀୟ ସର୍କିଟ ହାଉସଠାରେ ଆୟୋଜିତ ହୋଇଯାଇଛି ଜିଲ୍ଲାସ୍ତରୀୟ କଂଗ୍ରେସ କର୍ମୀଙ୍କ ବୈଠକ । ବୈଠକରେ ଭାରତୀୟ ଜାତୀୟ କଂଗ୍ରେସର ସମ୍ପାଦକ ମସ୍ତାନ ଭଲି ଓ କଣ୍ଟାବାଞ୍ଝି ବିଧାୟକ ସନ୍ତୋଷ ସିଂ ସାଲୁଜା ଯୋଗ ଦେଇ ଜିଲ୍ଲାରେ କଂଗ୍ରେସର ସଂଗଠନ ସଂପର୍କରେ କର୍ମୀଙ୍କ ସହିତ ଆଲୋଚନା କରିଥିଲେ ।
ଗତ ଲୋକସଭା ନିର୍ବାଚନ ପୂର୍ବରୁ ଜିଲ୍ଲାର କଂଗ୍ରେସ ସଭାପତି ଇସ୍ତଫା ପ୍ରଦାନ କରିଥିବାବେଳେ ସଭାପତି ନିର୍ବାଚନ ପାଇଁ ଜିଲ୍ଲାର କଂଗ୍ରେସ ସଂଗଠନର କାର୍ଯ୍ୟକର୍ତ୍ତାମାନେ ମସ୍ତାନ ଭଲିଙ୍କୁ ଅନୁରୋଧ କରିଥିଲେ । ଆଗକୁ ପୌର ନିର୍ବାଚନ ଥିବାରୁ ଜିଲ୍ଲାର ତରଭା, ବିନିକା ଓ ସଦର ମହକୁମାରେ ପ୍ରତିଟି ପରିବାରକୁ କଂଗ୍ରେସ ପରିବାରରେ ପରିଣତ କରିବା ପାଇଁ ଜନ ସଂପର୍କ କରିବାକୁ ଏଆଇସିସି ସଂପାଦକ କର୍ମୀଙ୍କୁ ପରାମର୍ଶ ଦେଇଥିଲେ ।
ଭିଡିଓ ସୌଜନ୍ୟ: ପ୍ରତିନିଧି, ସୁବର୍ଣ୍ଣପୁର