ସୁବର୍ଣ୍ଣପୁର:ସହରରେ ଡ୍ରେନେଜ ବ୍ୟବସ୍ଥା ବିପର୍ଯ୍ୟସ୍ତ ହୋଇପଡିଛି । ବର୍ଷା ଦିନ ଆରମ୍ଭ ହୋଇଯାଇଥିବା ବେଳେ ଏଯାଏଁ ପୌର ପରିଷଦ ପକ୍ଷରୁ ଡ୍ରେନ୍ ସଫା କରାଯାଇ ନାହିଁ । ସହରର ମୁଖ୍ୟ ରାସ୍ତା ଗୁଡିକର ଉଭୟ ପାର୍ଶ୍ବରେ ଡ୍ରେନ୍ ଥିବା ବେଳେ ଏଯାଏଁ ଅନେକ ଗଳି ରାସ୍ତାରେ ନୂତନ ଡ୍ରେନ୍ ବି ନିର୍ମାଣ ହୋଇ ନାହିଁ।
ସୁବର୍ଣ୍ଣପୁରରେ ବିପର୍ଯ୍ୟସ୍ତ ଡ୍ରେନେଜ ବ୍ୟବସ୍ଥା
ଅନେକ ପୁରୁଣା ଡ୍ରେନ ସବୁ ମରାମତି ଆବଶ୍ୟକ ହେଉଥିବା ବେଳେ ସେସବୁ ଉପରେ ପୌର ପରିଷଦର ନଜର ନାହିଁ । ତେବେ ଡ୍ରେନ୍ ସଫା କରାଯାଉ ନଥିବାରୁ ଡ୍ରେନ ପାଣି, ଡ୍ରେନ ଭିତରେ ଥିବା ଅଳିଆ ମହାନଦୀରେ ମିଶୁଛି । ସହରରେ ପ୍ରାୟ 18 କିଲୋମିଟରରୁ ଅଧିକ ଡ୍ରେନ ବ୍ୟବସ୍ଥା ରହିଛି । ସେହିପରି ପ୍ରାୟ 8 କିଲୋମିଟର ମୁଖ୍ୟ ଡ୍ରେନ ବ୍ୟବସ୍ଥା ରହିଥିବା ବେଳେ ଗଳି ରାସ୍ତା ଗୁଡିକରେ ଆହୁରି 10 କିଲୋମିଟରରୁ ଅଧିକ ନୂତନ ଡ୍ରେନର ଆବଶ୍ୟକତା ରହିଛି।