ସୁବର୍ଣ୍ଣପୁର: ସୋନପୁର ଗଡଜାତର ଇଷ୍ଟଦେବୀ ମା ସୁରେଶ୍ବରୀ ଆଜି ଆଶ୍ବୀନ ଶୁକ୍ଲପକ୍ଷ ଦ୍ଵିତୀୟା ତିଥିରେ ତାରା ବେଶରେ ଶ୍ରଦ୍ଧାଳୁଙ୍କୁ ଦର୍ଶନ ଦେଇଛନ୍ତି । ଆସନ୍ତାକାଲି ଦେବୀ ମା ଷୋଡ଼ଶୀ ବେଶରେ ଦର୍ଶନ ଦେବେ । ଦେବୀ ମା ସୁରେଶ୍ବରୀ ଆଶ୍ବୀନ ମହାଳୟାଠାରୁ ଆରମ୍ଭ କରି ଦଶମୀ ତିଥି ଯାଏଁ ଭିନ୍ନ ଭିନ୍ନ ବେଶ ଧାରଣ କରିଥାନ୍ତି । ମହାଳୟାରେ ଦେବୀ ମା ଧବଳମୁଖୀ ବେଶ ଧାରଣ କରିଥାନ୍ତି ।
ତାରା ବେଶରେ ଦର୍ଶନ ଦେଲେ ଇଷ୍ଟଦେବୀ ମା ସୁରେଶ୍ୱରୀ
ସେହିପରି ପ୍ରତିପଦରେ କାଳୀ, ଦ୍ଵିତୀୟାରେ ତାରା ବେଶ ଧାରଣ କରିବାର ପରମ୍ପରା ରହିଛି । ବର୍ଷ ତମାମ ରକ୍ତମୁଖା ଦେବୀଙ୍କ ସଶରୀର ସିନ୍ଦୁର ପ୍ରଲେପ କରାଯିବା ସହିତ ଗାଢ ନାଲି ରଙ୍ଗର ବସ୍ତ୍ର ପରିଧାନ କରାଯାଉଥିବା ବେଳେ ଏବେ କିନ୍ତୁ ଦେବୀମା ଭିନ୍ନଭିନ୍ନ ପାଟ ବସ୍ତ୍ର ପରିଧାନ କରୁଛନ୍ତି । ମହାଳୟାରେ ସେବାୟତମାନେ ଗଙ୍ଗାଜଳ, ଅଗୁର, ଚନ୍ଦନ, କର୍ପୁର ଆଦି ପ୍ରଲେପ କରି ଶ୍ବେତ ବସ୍ତ୍ର ପ୍ରଦାନ କରିଥିବା ବେଳେ ପ୍ରତିପଦ ଓ ଦ୍ଵିତୀୟା ତିଥିରେ ଦେବୀ ମା କଳା ବସ୍ତ୍ର ଧାରଣ କରିଛନ୍ତି ।