ସୁବର୍ଣ୍ଣପୁର: ଘୋଡାଘାଟପଡାର ମହାନଦୀ ତଟରେ ସରକାରୀ ଜମି ଜବରଦଖଲର ଉଚ୍ଛେଦ ହୋଇଛି । ଜିଲ୍ଲାପାଳ ଅବୋଲୀ ସୁନୀଲ ନରୱଣେଙ୍କ ନିର୍ଦ୍ଦେଶରେ ଉପ ଜିଲ୍ଲାପାଳଙ୍କ ସମେତ ରାଜସ୍ବ ଅଧିକାରୀମାନଙ୍କ ଉପସ୍ଥିତିରେ ମହାନଦୀ ତଟରେ ବେଆଇନ ଭାବେ ତିଆରି କରିଥିବା ଲୋକଙ୍କ ଘରଗୁଡିକ ଭାଙ୍ଗି ଦିଆଯାଇଛି । ସେହିପରି ବେଆଇନ ଭାବେ ସରକାରୀ ଜମି ଜବରଦଖଲ କରି ବାଡି ବଗିଚା କରିଥିବା ଜମିରୁ ବି ଜବରଦଖଲକାରୀଙ୍କୁ ଉଚ୍ଛେଦ କରାଯାଇଛି । ଏହି ସମୟରେ ଜବଲଦଖଲକାରୀଙ୍କ ଉତ୍ତେଜନା ଦେଖିବାକୁ ମିଳିଥିଲା।
ରିଂରୋଡ୍ ପାଇଁ ସରକାରୀ ଜମି ଉଚ୍ଛେଦ
ପୌର ପରିଷଦ ନିର୍ବାହୀ ଯନ୍ତ୍ରୀଙ୍କ ଉପସ୍ଥିତିରେ ବେଆଇନ ଭାବେ ତିଆରି ହୋଇଥିବା ଘର ଉପରେ ବୁଲଡୋଜର ଚଢ଼ିଥିଲା । ଏଥିରେ ପୌର କର୍ମଚାରୀମାନେ ମଧ୍ୟ ସାମିଲ ହୋଇଥିଲେ । ଗତ ଦଶନ୍ଧି ହେଲା ମହାନଦୀରୁ ତେଲନଦୀ ଯାଏଁ ନଦୀକୂଳରେ ରିଂରୋଡ କାର୍ଯ୍ୟ ଚାଲିଛି । ତେବେ ରାସ୍ତା ପାଇଁ ଆବଶ୍ୟକ ସରକାରୀ ଜମି ସବୁ ଛାଡି ଦେବା ପାଇଁ ରାଜସ୍ବ ବିଭାଗ ପକ୍ଷରୁ ଜବରଦଖଲକାରୀଙ୍କୁ ବାରମ୍ବାର ସୂଚନା ଦିଆଯାଇଥିଲା ।