ସୁବର୍ଣ୍ଣପୁର: ସୁବର୍ଣ୍ଣପୁର ଜିଲ୍ଲା ଗ୍ରାମ୍ୟ ଉନ୍ନୟନ ପ୍ରକଳ୍ପ ନିର୍ଦ୍ଦେଶକଙ୍କ କାର୍ଯ୍ୟାଳୟ ଆଗରେ ଶ୍ରମିକ ମାନେ ଧାରଣା ଦେଇଛନ୍ତି । ଶ୍ରମିକ ନେତା ବଳଦେବ ବେଦବାଗଙ୍କ ନେତୃତ୍ବରେ ଶତାଧିକ ଶ୍ରମିକ ମନରେଗା ଯୋଜନାରେ କାମ ଯୋଗାଇ ଦେବା ଦାବିରେ ଏହି ଆନ୍ଦୋଳନ କରିଛନ୍ତି । ଜିଲ୍ଲାର ଉଲୁଣ୍ଡା ବ୍ଲକ ମହଦା ପଞ୍ଚାୟତର ଶ୍ରମିକମାନେ ଆଜିକୁ 4 ମାସ ହେଲା ମନରେଗା ଯୋଜନାରେ ମାଟି କାମ ଯୋଗାଇ ଦେବା ପାଇଁ ସରପଞ୍ଚ , ଗ୍ରାମ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ଓ ପଞ୍ଚାୟତ ସମିତି ଗୋଷ୍ଠି ଉନ୍ନୟନ ଅଧିକାରୀଙ୍କୁ ଲିଖିତ ଭାବେ ଜଣାଇଥିଲେ ବି କାମ ଯୋଗାଇ ଦିଆଯାଇ ପାରୁନାହିଁ ।
ମନରେଗା ଯୋଜନାରେ କାମ ଯୋଗାଇ ଦେବାକୁ ଦାବି
ଫଳରେ ଏହି କୋଭିଡ ପରିସ୍ଥିତିରେ ଶ୍ରମିକମାନେ କାମ ନ ପାଇ ଘରେ ବସି ରହିଥିବା ବେଳେ ମନରେଗା ଯୋଜନାରେ ମେସିନ ଲଗାଇ ମାଟି କାମ କରାଯାଉଥିବା ଅଭିଯୋଗ ହୋଇଛି । ଶ୍ରମିକ ବଦଳରେ ମେସିନ ମନରେଗା ଯୋଜନାର କାର୍ଯ୍ୟ କରୁଥିବା ବେଳେ ମିଥ୍ୟା ବିଲ ତିଆରି କରି ପ୍ରତିଟି ପ୍ରକଳ୍ପର ଲକ୍ଷ ଲକ୍ଷ ଟଙ୍କା ବାଟମାରଣା ହେଉଥିବା ଅଭିଯୋଗ ହୋଇଛି ।