ସୁବର୍ଣ୍ଣପୁର:ସାମ୍ନାକୁ ଆସିଲା ଦେବୋତ୍ତର ବିଭାଗର ଅବହେଳାର ଚିତ୍ର । ବାବା ସୁବର୍ଣ୍ଣମେରୁଙ୍କ ସ୍ବର୍ଣ୍ଣନାଗ ଓ ଦେବଦେବୀଙ୍କ ସୁନା ରୂପା ଆଭୂଷଣ ରଖାଯାଇଥିବା ବାକ୍ସର ଚାବି ହଜେଇ ଦେଇଛନ୍ତି ବିଭାଗୀୟ ଅଧିକାରୀ ! ହେଲେ ଏ କଥାକୁ ଖଣ୍ତନ କରୁଛନ୍ତି ଅଧିକାରୀ । ସୋନପୁର ଗଡଜାତର ଚୌହାନ ଶାସନ ଅମଳରୁ ସହରରେ ଶୀତଳଷଷ୍ଠୀ ଯାତ୍ରା ପାଳିତ ହୋଇଆସୁଛି । ଏହି ଯାତ୍ରା ପାଇଁ ରାଜା ବୀରମିତ୍ରଦୋୟ ସିଂହଦେବ ଶହେ ଭରି ଓଜନର ବାବା ସୁବର୍ଣ୍ଣମେରୁଙ୍କ ସ୍ବର୍ଣ୍ଣନାଗ, ଦେବଦେବୀଙ୍କ ପାଇଁ ଜାତି ଜାତିକା ସୁନା ଓ ରୂପା ଅଳଙ୍କାର, ମହଣ ମହଣ ରୂପାରେ ତିଆରି ଛତି, ଛତ୍ର ଓ ବିମାନ ଆଦି ତିଆରି କରିଥିଲେ । ଯାହା ଜିଲ୍ଲା କୋଷାଗାର ଭିତରେ ସୁରକ୍ଷିତ ରଖାଯାଇ ପ୍ରତିବର୍ଷ ଶୀତଳଷଷ୍ଠୀ ପର୍ବ ପାଳନ ସମୟରେ ବାହାର କରାଯାଏ ।
ହେଲେ ଲକ୍ଷ ଲକ୍ଷ ଟଙ୍କାର ସ୍ବର୍ଣ୍ଣ ନାଗ ଓ ଦେବଦେବୀଙ୍କ ସୁନା ରୂପା ଅଳଙ୍କାର ଯେଉଁ ବାକ୍ସ ଭିତରେ ରଖାଯାଇଛି । ବାହାର କରିବା ସମୟରେ ତାହାର ତାଲା ଖୋଲା ଯାଇ ପାରି ନଥିଲା । ପଥର ଓ ଲୁହା ରଡ ତାଲା ଭାଙ୍ଗି ପାଇଁ ବ୍ୟବହାର କରାଯାଇଥିଲା । ହେଲେ ଦେବୋତ୍ତର ବିଭାଗର କର୍ମଚାରୀ ଅବା ସେବାୟତ ତାଲା ଖୋଲି ପାରିନଥିଲେ ।