ସୁବର୍ଣ୍ଣପୁର: ଜିଲ୍ଲା ସଦର ମହକୁମାରେ ତିଆରି ନବ ନିର୍ମିତ ପ୍ରସୂତି କାଳୀନ ଶିଶୁ ଓ ମାତୃ ସ୍ବସ୍ଥ୍ୟ କେନ୍ଦ୍ର ଉଦଘାଟନ ଅପେକ୍ଷାରେ ରହିଛି । ହେଲେ ଏହି ସ୍ବାସ୍ଥ୍ୟ କେନ୍ଦ୍ର କୋଠାର ସ୍ଥାନ ନିରୂପଣକୁ ନେଇ ଅନେକ ପ୍ରଶ୍ନ ହେଉଛି । ପ୍ରାୟ 10 ଏକର ପରିମିତ ଯାଗାରେ ଏହି ସ୍ବାସ୍ଥ୍ୟ କେନ୍ଦ୍ର ତିଆରି କରାଯାଇଥିବା ବେଳେ ଏହାକୁ ଲାଗି ଜିଲ୍ଲା ମୁଖ୍ୟ ଚିକିତ୍ସାଳୟ ତିଆରି କରିବା ପାଇଁ ସ୍ଥାନ ନିରୂପଣ ହୋଇଛି । ହେଲେ ମହାନଦୀ କୂଳରେ ଥିବାରୁ ବର୍ଷା ଦିନରେ ମହାନଦୀର ବଢି ପାଣି ଏହି ସ୍ବାସ୍ଥ୍ୟ କେନ୍ଦ୍ରକୁ ଘେରି ରହୁଛି ।
ନବ ନିର୍ମିତ ଶିଶୁ ଓ ମାତୃ ସ୍ୱାସ୍ଥ୍ୟ କେନ୍ଦ୍ରକୁ ସୁରକ୍ଷା ଦାବି
ମହାନଦୀରେ ଟିକିଏ ବଢି ହେଲେ ଏହି ସ୍ବାସ୍ଥ୍ୟ କେନ୍ଦ୍ର ଚତୁର୍ପାର୍ଶ୍ବରେ ପ୍ରାୟ ପାଞ୍ଚରୁ ସାତ ଫୁଟ ପାଣି ଜମି ରହୁଛି । ପ୍ରାୟ 15 କୋଟିରୁ ଅଧିକ ବ୍ୟୟ ଅଟକଳରେ ଏହି ସ୍ବାସ୍ଥ୍ୟ କେନ୍ଦ୍ର ତିଆରି କରାଯାଇଥିବା ବେଳେ ପ୍ରାୟ ସାଢେ ତିନି କୋଟିରୁ ଅଧିକ ବ୍ୟୟ ଅଟକଳରେ ଷ୍ଟାଫ କ୍ବାଟର୍ସ ତିଆରି ଚାଲିଛି । ଗତ ବର୍ଷ ମହାନଦୀର ବଢି ପାଣିରେ ସ୍ବାସ୍ଥ୍ୟ କେନ୍ଦ୍ରର ଚତୁପାର୍ଶ୍ବରେ ପାଣି ଜମି ରହିଥିଲା ।