ସୁବର୍ଣ୍ଣପୁର: ଜିଲ୍ଲାର ବିକିନା ସହରକୁ ଉପଖଣ୍ଡ ମାନ୍ୟତା ଦାବି ଦିନକୁ ଦିନ ବଢୁଛି । ଜିଲ୍ଲାରେ ବର୍ତ୍ତମାନ ପର୍ଯ୍ୟନ୍ତ କେବଳ ଦୁଇଟି ଉପଖଣ୍ଡ ଥିବା ବେଳେ ଆଉ ଗୋଟିଏ ଉପଖଣ୍ଡ ହେବାର ନିହାତି ଆବଶ୍ୟକତା ରହିଛି । ଉପଖଣ୍ଡ ମାନ୍ୟତା ପାଇଁ ଯାହା ନିୟମାବଳୀ ରହିଛି, ସେ ସବୁକୁ ବିନିକା ଅଞ୍ଚଳ ପୂରଣ କରୁଥିବାରୁ ଏହାକୁ ଉପଖଣ୍ଡ ମାନ୍ୟତା ପ୍ରଦାନ କରିବାକୁ ବୁଦ୍ଧିଜୀବୀମାନେ ଦାବି କରିଛନ୍ତି ।
ବିନିକା ସହରକୁ ଉପଖଣ୍ଡ ମାନ୍ୟତା ଦାବି
ବିନିକା ବ୍ଲକରେ ୧୬ ଗୋଟି ଗ୍ରାମପଞ୍ଚାୟତ ଥିବାବେଳେ ଏନଏସି ଅଞ୍ଚଳରେ ୧୨ଟି ୱାର୍ଡ ରହିଛି । ବିନିକାର ଲୋକସଂଖ୍ୟା ବର୍ତ୍ତମାନ ୩ ଲକ୍ଷରୁ ଊର୍ଦ୍ଧ୍ବ ରହିଛି । ଏହି ବ୍ଲକରୁ ଜିଲ୍ଲାର ସର୍ବାଧିକ ରାଜସ୍ୱ ଆଦୟ ହେଉଛି । ଏଣୁ ଏହାକୁ ବିଚାରକୁ ନେଇ ଉପଖଣ୍ଡ ମାନ୍ୟତା ପ୍ରଦାନ କରିବା ପାଇଁ ଦାବି ହେଉଛି । ଏହି ଦାବି ଦୀର୍ଘ ଦିନ ହେବ ହୋଇଆସୁଥିଲେ ମଧ୍ୟ ରାଜ୍ୟ ସରକାର ଶୁଣୁ ନ ଥିବା ଅଭିଯୋଗ ହୋଇଛି ।