ସୁବର୍ଣ୍ଣପୁର:ଜିଲ୍ଲା ସ୍ତରୀୟ ନୂଆଁଖାଇ ଭେଟଘାଟ କାର୍ଯ୍ୟକ୍ରମରେ ପଶ୍ଚିମ ଓଡିଶା ଲୋକନୃତ୍ୟରେ ଦୁଲୁକିଲା ମଞ୍ଚ । ସୁବର୍ଣ୍ଣପୁର ସହରର ସଂସ୍କୃତି ଭବନ ମଞ୍ଚରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଜିଲ୍ଲାପାଳ ଅବୋଲୀ ସୁନୀଲ ନରୱଣେ ଯୋଗଦେଇ ସାଂସ୍କୃତିକ ଦଳଗୁଡିକୁ ନୃତ୍ୟ ପରିବେଷଣ ପାଇଁ ସମ୍ମାନୀତ କରିଥିଲେ ।
ନୂଆଁଖାଇ ଭେଟଘାଟ: ଲୋକନୃତ୍ୟରେ ଦୁଲୁକିଲା ମଞ୍ଚ
ସୁବର୍ଣ୍ଣପୁର ଜିଲ୍ଲା ସଂସ୍କୃତି ପରିଷଦ ଓ ଜିଲ୍ଲା କଳା ସଂସ୍କୃତି ସଙ୍ଘ ପକ୍ଷରୁ ସହରର ସଂସ୍କୃତି ଭବନ ଠାରେ ନୂଆଁଖାଇ ଭେଟଘାଟ କାର୍ଯ୍ୟକ୍ରମର ଆୟୋଜନ କରାଯାଇଥିଲା । ଏଥିରେ ଜିଲ୍ଲାର ବିଭିନ୍ନ ସାଂସ୍କୃତିକ ଅନୁଷ୍ଠାନ ଦ୍ବାରା ଡାଲଖାଇ, ରସରକେଲି, ମାଏଲାଜଡ, ଚୁଟକୁଚୁଟା ସାଙ୍ଗକୁ ବଜାଶାଲ ଆଦି ଲୋକନୃତ୍ୟ ପରିବେଷଣ କରାଯାଇଥିଲା । ମୁଖ୍ୟ ଅତିଥି ଭାବରେ ଯୋଗଦେଇ ଜିଲ୍ଲାପାଳ ଅବୋଲୀ ସୁନୀଲ ନରୱଣେ ସାଧାରଣଙ୍କୁ ସାଂସ୍କୃତିକ ବାର୍ତ୍ତା ଦେଇଥିଲେ । ଏହାପରେ ଢୋଲ, ନିଶାନ, ତାସା, ମହୁରୀ ଆଦି ପଶ୍ଚିମ ଓଡିଶାର ଲୋକବାଦ୍ୟର ଧ୍ବନି ଦର୍ଶକଙ୍କୁ ବିମୋହିତ କରିଥିଲା ।