ସୁବର୍ଣ୍ଣପୁର: କୋରୋନା ସଂକ୍ରମଣ ବୃଦ୍ଧି ନେଇ ଜିଲ୍ଲାରେ ଗାଁରୁ ସହର ସବୁଠାରେ ଭୟର ବାତାବରଣ ଦେଖାଦେଇଛି । ଦିନକୁ ଦିନ କୋରୋନା ସଂକ୍ରମଣ ବଢିବଢି ଯାଉଛି । ଲୋକେ ଯେତିକି ସଚେତନ ହେଉଛନ୍ତି ପ୍ରଶାସନ ମଧ୍ୟ ତାଠୁ ଅଧିକ ଯତ୍ନବାନ। ଫଳରେ ଜିଲ୍ଲା ପ୍ରଶାସନ ପକ୍ଷରୁ ଜୁଲାଇ ମାସରେ ପ୍ରତିଟି ସପ୍ତାହରେ ଶନିବାର ଓ ରବିବାର ଦୁଇ ଦିନ ପାଇଁ ସଟ ଡାଉନ କରାଯାଉଛି ।
ତେବେ ତୃତୀୟ ସପ୍ତାହ ଗତକାଲି (ଶନିବାର) ଓ ଆଜି (ରବିବାର) ଦୁଇ ଦିନ ସଟ ଡାଉନ କରାଯାଇଛି । ଜିଲ୍ଲାରେ ଦୋକାନ ବଜାର, ସମସ୍ତ ବ୍ୟବସାୟିକ ପ୍ରତିଷ୍ଠାନ , ସରକାରୀ କାର୍ଯ୍ୟାଳୟ ସମେତ ଅଖ ଚକ ସବୁ ବନ୍ଦ ରହିଛି । ସେହିପରି ଜିଲ୍ଲାର ବିରମହାରାଜପୁର ସହର ସମେତ ବ୍ଲକର ସବୁ ପଞ୍ଚାୟତକୁ ଜୁଲାଇ ମାସ ଶେଷ ଯାଏଁ ସଟଡାଉନ ଘୋଷଣା କରାଯାଇଛି। ଡୁଙ୍ଗୁରିପାଲି ସହର ସହିତ ଦୁଇଟି ପାଖ ପଞ୍ଚାୟତକୁ ସଟଡାଉନ କରାଯାଇଛି।
ସୁବର୍ଣ୍ଣପୁରରେ ବୃଦ୍ଧି ପାଉଛି କୋରୋନା ସଂକ୍ରମଣ