ସୁବର୍ଣ୍ଣପୁର: କୋରୋନା ମହାମାରୀର ଦ୍ବିତୀୟ ଲହରରେ ସଂକ୍ରମଣ ଯେତିକି ବୃଦ୍ଧି ପାଉଛି ମୃତ୍ୟୁ ସଂଖ୍ୟା ମଧ୍ୟ ସେତିକି ବୃଦ୍ଧି ହେଉଛି । ସଂକ୍ରମଣ ଭୟରେ ବନ୍ଧୁ ପରିଜନ ମୃତଦେହକୁ ଅନ୍ତିମ ସଂସ୍କାର ପାଇଁ ଭୟ କରୁଛନ୍ତି। ଏଭଳି ସ୍ଥିତିରେ ପ୍ରଶାସନ ମୃତ କୋରୋନା ରୋଗୀଙ୍କ ଅନ୍ତିମ ସଂସ୍କାର କରୁଥିବା ଦେଖାଯାଇଛି । ଏପରି ଏକ ଘଟଣା ଦେଖିବାକୁ ମିଳିଛି ସୁବର୍ଣ୍ଣପୁର ଜିଲ୍ଲା ବିରମହରାଜପୁର ବ୍ଳକର ଅଡାଳ ଗାଁରେ ।
କୋରୋନା ରୋଗୀଙ୍କ ଅନ୍ତିମ ସଂସ୍କାର କଲେ ବିଡିଓ
ଗାଁର ଜଣେ ମହିଳା ଗତ ୩ ଦିନ ପୂର୍ବରୁ କୋରୋନାରେ ଆକ୍ରାନ୍ତ ହୋଇଥିଲେ । ମାତ୍ର ମଙ୍ଗଳବାର ତାଙ୍କର ମୃତ୍ୟୁ ଘଟିଥିଲା । କୋଭିଡ ଆକ୍ରାନ୍ତ ହୋଇଥିବାରୁ ପରିବାର ଓ ସମ୍ପର୍କୀୟ ଦାହ ପାଇଁ ଆଗକୁ ଆସି ନଥିଲେ । ଏଭଳି ସ୍ଥିତିରେ ଆଗକୁ ଆସିଥିଲେ ଜିଲ୍ଲା ପ୍ରଶାସନ ।