ସୁବର୍ଣ୍ଣପୁର : ସୁବର୍ଣ୍ଣପୁର ଜିଲ୍ଲା ବିରମହରାଜପୁର ଥାନା ଅନ୍ତର୍ଗତ ଉଫୁଲା ଗ୍ରାମ ପଞ୍ଚାୟତର ସରପଞ୍ଚଙ୍କ ସ୍ୱାମୀ ତଥା ଜିଲ୍ଲା ଯୁବ କଂଗ୍ରେସ ସଭାପତି ପ୍ରିୟବ୍ରତ ସାହୁଙ୍କୁ ପୋଲିସ ଆଜି ଗିରଫ କରି କୋର୍ଟ ଚାଲାଣ କରିଛି । ପ୍ରିୟବ୍ରତ ଗ୍ରାମ ପଞ୍ଚାୟତର ଜିଆରଏସ ନାରାୟଣ ମଲ୍ଲିକଙ୍କୁ ଗତ ଜାନୁଆରୀ 25 ତାରିଖରେ କାନପୁର ଛକରେ ମାଡ଼ ମାରିଥିବା ବିରମହରାଜପୁର ଥାନାରେ ଲିଖିତ ଅଭିଯୋଗ ହୋଇଥିଲା ।
ସୁବର୍ଣ୍ଣପୁର ଗିରଫ ହେଲେ କଂଗ୍ରେସ ଯୁବ ସଭାପତି
ତେବେ ପୋଲିସ ଅଭିଯୁକ୍ତ ପ୍ରିୟବ୍ରତକୁ ଗିରଫ କରି ନଥିବାରୁ ଆଜି ବିରମହରାଜପୁର ବ୍ଲକ କର୍ମଚାରୀମାନେ କଲମଛାଡ଼ ଆନ୍ଦୋଳନ କରିବା ସହିତ ଜିଲ୍ଲାପାଳଙ୍କ ପାଖରେ ଆଇନଗତ କାର୍ଯ୍ୟାନୁଷ୍ଠାନ ପାଇଁ ଦାବି କରିଥିଲେ ।