ସୁବର୍ଣ୍ଣପୁର: ଜିଲ୍ଲା କଂଗ୍ରେସ କମିଟି ପକ୍ଷରୁ ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ନୀରବ ବିକ୍ଷୋଭ ପ୍ରଦର୍ଶନ କରାଯାଇଛି । ପୂର୍ବତନ କଂଗ୍ରେସ ବିଧାୟକ ବିନୋଦ ପାତ୍ରଙ୍କ ନେତୃତ୍ବରେ କଂଗ୍ରେସ କମିଟିର ସଭ୍ୟ ଓ କର୍ମୀମାନେ ଏହି ବିକ୍ଷୋଭରେ ସାମିଲ ହୋଇଥିଲେ । ଦିନକୁ ଦିନ ଶିକ୍ଷିତ ବେକାର ଯୁବକ ଯୁବତୀମାନଙ୍କ ସଂଖ୍ୟା ବଢି ବଢି ଯାଉଥିବା ବେଳେ ନିଯୁକ୍ତି ପ୍ରଦାନରେ ରାଜ୍ୟ ସରକାର ଓ କେନ୍ଦ୍ର ସରକାର ବିଫଳ ହୋଇଥିବା ଅଭିଯୋଗ କରିଛନ୍ତି ।
ବେରୋଜଗାରୀ ସମସ୍ଯା ନେଇ କଂଗ୍ରେସ ବିକ୍ଷୋଭ
ଉଚ୍ଚ ଶିକ୍ଷା ଗ୍ରହଣ କରୁଥିବା ଯୁବକ ଯୁବତୀମାନେ ଶିକ୍ଷା ସମାପ୍ତ କରିବା ବେଳକୁ ପ୍ରାୟ ଜୀବନର 30 ବର୍ଷ ଅତିକ୍ରମ କରୁଛନ୍ତି । ତେବେ ସରକାରୀ ନିଯୁକ୍ତି ପାଇଁ ସରକାର ସର୍ବାଧିକ ବୟସ ସୀମା 32 ରଖିଥିବା ବେଳେ ଏହାକୁ ବଢାଇ 42 ବର୍ଷ ପର୍ଯ୍ୟନ୍ତ କରିବାକୁ ଦାବି କରିଛନ୍ତି ।