ସୁବର୍ଣ୍ଣପୁର: ଜିଲ୍ଲା କଂଗ୍ରେସ ପକ୍ଷରୁ ବିନିକା ସହରକୁ ପ୍ରବେଶ ରାସ୍ତା ଅବରୋଧ କରାଯାଇଛି। ଜିଲ୍ଲାରେ ରବି ଋତୁ ଧାନ ବିକ୍ରି ସମସ୍ୟାକୁ ନେଇ ଏହି ଆନ୍ଦୋଳନ କରାଯାଇଛି। ଗତ ରବି ଋତୁରେ ଆରମ୍ଭରୁ ଧାନ ବିକ୍ରିରେ ଅବ୍ୟବସ୍ଥା ଲାଗି ରହିଥିଲା। କଂଗ୍ରେସ ଦଳ ପକ୍ଷରୁ ଚାଷୀ ସମସ୍ୟା ସମାଧାନ ଦାବିରେ ବାରମ୍ବାର ଆନ୍ଦୋଳନ କରାଯାଇଛି ।
ଧାନ ବିକ୍ରି ସମସ୍ୟାକୁ ନେଇ କଂଗ୍ରେସ କରିଛି ରାସ୍ତା ଅବରୋଧ
ଏପରିକି ଗତ ଆଠ ଦିନ ହେଲା ବିନିକା ତହସିଲ କାର୍ଯ୍ୟାଳୟ ଆଗରେ କଂଗ୍ରେସ ଆନ୍ଦୋଳନ ଜାରି ରଖିଛି। କଂଗ୍ରେସ ଦଳ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇ ଧାରଣା ବି ଦିଆଯାଇଥିଲା। ତେବେ ଧାନ ବିକ୍ରିବଟା ସମସ୍ୟାର କୌଣସି ସମାଧାନ ନ ହେବାରୁ ଆଜି ପୁଣି ବାଧ୍ୟ ହୋଇ କଂଗ୍ରେସ କର୍ମୀମାନେ ବିନିକା ସହରର ପ୍ରବେଶ ରାସ୍ତା ଅବରୋଧ କରିଛନ୍ତି।