ସୁବର୍ଣ୍ଣପୁର: ମହିଳାମାନଙ୍କ ସବୁ ସମୟରେ ପ୍ରଥମ ପସନ୍ଦ ସୁବର୍ଣ୍ଣପୁରୀ ପାଟବସ୍ତ୍ର । ଏହାର ପ୍ରାକୃତିକ ରଙ୍ଗ, ସୂତା ଓ ସୂକ୍ଷ୍ମ କାରିଗରୀ ପାଇଁ ଆଜି ସୁବର୍ଣ୍ଣପୁରୀ ପାଟବସ୍ତ୍ର ଖାଲି ଆମ ଦେଶରେ ନୁହେଁ ଆନ୍ତର୍ଜାତିକ ସ୍ତରରେ ବି ଡିମାଣ୍ଡରେ । ଆଜି ଜାତୀୟ ହସ୍ତତନ୍ତ ଦିବସ ଅବସରରେ ବୁଣାକାରମାନଙ୍କୁ ଗବେଷକମାନେ ଶୁଭେଚ୍ଛା ଜଣାଇବା ସହିତ ବନ୍ଧଶିଳ୍ପର ପ୍ରୟୋଗଶାଳା ଭାବେ ପରିଚିତ ଏହି ଅଞ୍ଚଳର କରିଗରମାନଙ୍କ ଆର୍ଥିକ ଅବସ୍ଥାରେ ସୁଧାର ଆଣିବା ପାଇଁ ସରକାରଙ୍କ ପାଖରେ ଦାବି ରଖିଛନ୍ତି।
ସୁବର୍ଣ୍ଣପୁରୀପାଟ ବସ୍ତ୍ର ବୁଣାକାରଙ୍କୁ ଶୁଭେଚ୍ଛା
ଏହାର ସୂକ୍ଷ୍ମ କାରୁକାର୍ଯ୍ୟ ପାଇଁ ସୁବର୍ଣ୍ଣପୁରର ବାନ୍ଧଶିଳ୍ପୀମାନେ ଜାତୀୟ ସ୍ତରରୁ ଆରମ୍ଭ କରି ଆନ୍ତର୍ଜାତିକସ୍ତର ଯାଏଁ ବେଶ ଖ୍ୟାତି ଅର୍ଜନ କରିଛନ୍ତି । ରାସାୟନିକ ରଙ୍ଗ ବଦଳରେ ପ୍ରାକୃତିକ ରଙ୍ଗ ବ୍ୟବହାର କରାଯାଉଥିବାରୁ ଏହି ବସ୍ତ୍ର ଶରୀର ପାଇଁ ବେଶ ଆରାମ ଦାୟକ ହୋଇଥାଏ । ସାରା ଭାରତର ବିଭନ୍ନ ସହରରେ ସୁବର୍ଣ୍ଣପୁରୀ ପାଟ ବସ୍ତ୍ରର ପ୍ରଦର୍ଶନୀ ହେଉଥିବା ବେଳେ ବିକ୍ରି ବଟାର ବ୍ୟବସ୍ଥା ହେଉଛି ।