ସୁବର୍ଣ୍ଣପୁର: ସଫେଇ କର୍ମଚାରୀଙ୍କ କୋରୋନା ଇନସେଣ୍ଟିଭ ଟଙ୍କା ଦେଉନାହାନ୍ତି ମେଡିକାଲ କର୍ତ୍ତୃପକ୍ଷ । ସୁବର୍ଣ୍ଣପୁର ଜିଲ୍ଲା ମୁଖ୍ୟ ଚିକିତ୍ସାଳୟ ତଥା କୋଭିଡ ଅସ୍ଥାୟୀ ଚିକିତ୍ସା କେନ୍ଦ୍ରରେ କାର୍ଯ୍ୟରତ ସଫେଇ କର୍ମଚାରୀମାନଙ୍କ କୋରୋନା ଇନସେଣ୍ଟିଭ ଟଙ୍କା ଆଜି ଯାଏଁ ମିଳି ନଥିବା ଅଭିଯୋଗ ହୋଇଛି ।
ମୋଟ ୩୨ ଜଣ କର୍ମଚାରୀ ସ୍ବାସ୍ଥ୍ୟକେନ୍ଦ୍ର ଓ ପରିସର ପରିବେଶକୁ ପରିଷ୍କାର ପରିଛନ୍ନ ରଖିବା ପାଇଁ ଦିନରାତି କାର୍ଯ୍ୟ କରନ୍ତି । ନିଜ ଜୀବନକୁ ବାଜି ଲଗାଇ ସେମାନେ ସଫେଇ କାମ କରୁଥିବା ବେଳେ ସରକାର ଘୋଷଣା କରିଥିବା ତିନି ମାସର ଇନସେଣ୍ଟିଭ ଟଙ୍କା ବର୍ଷେ ବିତିଯାଇଥିଲେ ମଧ୍ୟ ସ୍ବାସ୍ଥ୍ୟ ବିଭାଗ ଦେଉନାହିଁ ।
ସଫେଇ କର୍ମଚାରୀଙ୍କ ନୀରବ ବିକ୍ଷୋଭ ପ୍ରଦର୍ଶନ