ସୁବର୍ଣ୍ଣପୁର: ସହରର ସରକାରୀ ସର୍କିଟ ହାଉସରେ ସ୍ବଚ୍ଛତା କାର୍ଯ୍ୟକ୍ରମ ଫେଲ ମାରିଛି । ସରକାରୀ କାର୍ଯ୍ୟରେ ବ୍ୟବହୃତ ଏହି ସର୍କିଟ ହାଉସ ଚାରିପଟରେ କୁଢକୁଢ ଆବର୍ଜନା ସାଙ୍ଗକୁ ମଦ ବୋତଲ ପଡିଥିବା ଦେଖିବାକୁ ମିଳିଛି ।
ଭିଡିଓ ସୌଜନ୍ୟ: ପ୍ରତିନିଧି, ସୁବର୍ଣ୍ଣପୁର
ସୁବର୍ଣ୍ଣପୁର ସହର ଉପକଣ୍ଠରେ ରହିଛି ସର୍କିଟ ହାଉସ । ସର୍କିଟ ହାଉସର ରାସ୍ତାଟିକୁ ବାଦ ଦେଲେ ପରିସରରେ କୁଢକୁଢ ଆବର୍ଜନା ପଡି ରହିଛି । ଚତୁର୍ଦ୍ଦିଗରେ ବ୍ୟାପକ ପରିମାଣର ପାଣି ବୋତଲ ସାଙ୍ଗକୁ ବିଭିନ୍ନ ବ୍ରାଣ୍ଡର ମଦ ବୋତଲ ଓ ବିୟର ବୋତଲ ପଡିଛି । ରନ୍ଧାଶାଳର ଅପରପାର୍ଶ୍ବରେ ଆବର୍ଜନା ଗଦା ହୋଇଛି । ଡଷ୍ଟବିନ ରହିଛି ହେଲେ ତାର ସଠିକ ବ୍ୟବହାର କରାଯାଇ ପାରୁନାହିଁ । ସର୍କିଟ ହାଉସ ମଧ୍ୟ ଭାଗରେ ଥିବା ସୁନ୍ଦର ଉଦ୍ୟାନଟି ନଷ୍ଟ ହୋଇଯାଇଛି ।