ସୁବର୍ଣ୍ଣପୁର: ଜିଲ୍ଲା ଗଡଜାତ ଚୌହାନ ବଂଶର ଇଷ୍ଟଦେବୀ କନକ ଦୁର୍ଗାଙ୍କ ଦଶହରା ପୂଜା ପାରମ୍ପରିକ ରୀତିନୀତିରେ ପାଳନ ହେଉଛି । ଚୌହାନ ରାଜପ୍ରସାଦ ସମ୍ମୁଖରେ ଥିବା ପ୍ରାଚୀନ କନକ ଦୁର୍ଗାଙ୍କ ମନ୍ଦିର ଭାଙ୍ଗି ଯିବା ପରେ ସେହି ଯାଗାରେ ନିର୍ମାଣ ହୋଇଥିବା ମନ୍ଦିର ଓ ନବ ପ୍ରତିଷ୍ଠିତ ଦେବୀ ଦୁର୍ଗାଙ୍କ ପୂଜା ଆରାଧନା ଯଥା ବିଧି ପାଳନ କରାଯାଉଛି ।
କୋଭିଡ କଟକଣା ଯୋଗୁଁ ଏଥର ଐତିହାସିକ ବଳୀଯାତ୍ରାର କେବଳ ନୀତିକାନ୍ତି କରାଯାଉଛି । ସହରର ଦୁର୍ଗାଦେବୀ, ରାଜ ପୁରୋହିତଙ୍କ ବାସଭବନରେ ଅଧିଷ୍ଠିତ ଦେବୀ ଦୁର୍ଗା ଓ ଅଷ୍ଟ ଚଣ୍ଡୀଙ୍କ ଷୋଡଶ ଉପଚାର ପାରମ୍ପରିକ ବିଧିବିଧାନରେ କରାଯାଉଛି । ତେବେ ନବ ପ୍ରତିଷ୍ଠିତ ଦେବୀ ଦୁର୍ଗାଙ୍କ ପୂଜା ଆରାଧନା ପାଇଁ ଆବଶ୍ୟକ ବ୍ୟବସ୍ଥା କରାଯାଇଛି ।