ସୁବର୍ଣ୍ଣପୁର ମୁଖ୍ୟ ହସ୍ପିଟାଲରେ ପ୍ରସୂତିଙ୍କୁ ଲାଞ୍ଚ ମାଗୁଛନ୍ତି ଆଶାଦିଦି, ଭିଡିଓ ଭାଇରାଲ

ସୁବର୍ଣ୍ଣପୁର ମୁଖ୍ୟ ଚିକିତ୍ସାଳୟରେ ଲାଞ୍ଚ କାରବାର ଅଭିଯୋଗ । ପ୍ରସୂତୀଙ୍କ ସମ୍ପର୍କୀୟଙ୍କ ଠାରୁ ଜଣେ ଆଶାକର୍ମୀ ଜୋର ଜବରଦୋସ୍ତ ଟଙ୍କା ମାଗୁଥିବାର ଏକ ଭିଡିଓ ଭାଇରାଲ ।

ସୁବର୍ଣ୍ଣପୁର: ଜିଲ୍ଲା ମୁଖ୍ୟ ଚିକିତ୍ସାଳୟରେ ଲାଞ୍ଚ କାରବାର । ରୋଗୀ ସମ୍ପର୍କୀୟଙ୍କ ଠାରୁ ଟଙ୍କା ନେଉଥିବାର ଏକ ଭିଡିଓ ଭାଇରାଲ ହୋଇଛି । ଏହି ଭିଡିଓଟିରେ ଚିକିତ୍ସାଳୟର ସ୍ତ୍ରୀ ଓ ପ୍ରସୂତି ବିଭାଗରେ ଜଣେ ଆଶା କର୍ମୀ ପ୍ରସୂତୀଙ୍କ ସମ୍ପର୍କୀୟ ଠାରୁ ଜୋର ଜବରଦସ୍ତ ଭାବେ ଟଙ୍କା ଆଦାୟ କରୁଥିବାର ଦେଖିବାକୁ ମିଳିଛି । ସେପଟେ, ଆଶା କର୍ମୀ ଜଣକ ନିଜ ସଫେଇ ଦେବାକୁ ଯାଇ କହୁଛନ୍ତି, ଏହି ଟଙ୍କା ତାଙ୍କ ପାଇଁ ନର୍ସ ମାଗୁଛନ୍ତି ।

ସେପଟେ, ଘଟଣା ବିଷୟରେ ମୁଖ୍ୟ ଚିକିତ୍ସାଳୟ ଅଧିକାରୀଙ୍କ ଲିଖିତ ଅଭିଯୋଗ କରିବା ପରେ ଘଟଣାର ତଦନ୍ତ ଜାରି ରହିଛି । ଏପରିକି ଏ ଦିଗରେ କାର୍ଯ୍ୟାନୁଷ୍ଠାନ କରାଯିବ ବୋଲି ମୁଖ୍ୟ ଚିକିତ୍ସାଧିକାରୀ ଦିଲ୍ଲୀପ କୁମାର ପଣ୍ଡା କହିଛନ୍ତି ।

ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ