ସୁବର୍ଣ୍ଣପୁର: ଜିଲ୍ଲାରେ ସଦର ଟାଉନ ଥାନା ନୂତନ କୋଠାକୁ ସ୍ଥାନାନ୍ତର କରିବା ପାଇଁ ଦାବି ଉଠିଛି। ଆଜକୁ 3 ବର୍ଷରୁ ଅଧିକ ହେଲା ଥାନାର କୋଠା ନିର୍ମାଣ କାର୍ଯ୍ୟ ସରିଛି। ସହରର ମଧ୍ୟ ଭାଗରେ ବସଷ୍ଟାଣ୍ଡ ପାଖରେ ଥାନାର ନୂତନ କୋଠାର ନିର୍ମାଣ କାର୍ଯ୍ୟ ପ୍ରାୟ ଶେଷ ହୋଇଛି ମାତ୍ର ସଦର ଥାନା ନୂତନ କୋଠାକୁ ସ୍ଥାନାନ୍ତର କରାଯାଇ ପାରୁନାହିଁ।
ନିର୍ମାଣ ସରିଛି ସଦର ଥାନା କୋଠା, ହୋଇପାରୁନି ସ୍ଥାନାନ୍ତରଣ
ସୋନପୁର ଗଡଜାତରେ ଚୌହାନ ରାଜତ୍ବ ଅମଳରେ ତିଆରି ହୋଇଥିବା କୋଠାରେ ସଦର ଥାନା ଆଜି ବି ଚାଲିଛି । ପୁରୁଣା କାନ୍ଥ ଅନେକ ସମୟରେ ମରାମତି କରାଯାଇଥିବା ବେଳେ ପୁରୁଣା ମାଟି, ଖପର ଛାତ, ଆଜବେଷ୍ଟ ଛାତରେ ପରିଣତ ହୋଇଛି ମାତ୍ର ଏହା ବିପଦସଙ୍କୁଳ ଅବସ୍ଥାରେ ରହିଛି। ପୋଲିସ କର୍ମଚାରୀମାନେ ନିଜକୁ ସୁରକ୍ଷିତ ଭାବୁ ନ ଥିବା ବେଳେ ଶୃଙ୍ଖଳିତ ବିଭାଗର କର୍ମଚାରୀ ହୋଇ ଥିବାରୁ ଥାନାର ସ୍ଥାନାନ୍ତର ପାଇଁ ମୁହଁ ଖୋଲି ପାରୁ ନାହାଁନ୍ତି।