ସୁବର୍ଣ୍ଣପୁର: ଅଇଁଲାଚାଟ ଛକ ଜଉରାଭଉରାରେ ସଡ଼କ ଦୁର୍ଘଟଣା। ଗଛରେ ପିଟି ହେଲା ଭାରସାମ୍ୟ ହରାଇଥିବା ବାଇକ । ଏଥିରେ ଜଣଙ୍କର ମୃତ ହୋଇଥିବାବେଳେ ଅନ୍ୟ ଜଣେ ଗୁରୁତର ହୋଇଛନ୍ତି । ମୃତକ ହେଲେ ବିନିକା ବ୍ଲକ ସରଗୁଣା ଗାଁର ଲଳିତ ବିଭାର । ଗୁରୁତର ମଧ୍ୟ ଉକ୍ତ ଗାଁର ପ୍ରମୋଦ ବିଭାର ବୋଲି ଜଣାପଡିଛି ।
ଏହି ଦୁଇ ଜଣ ବ୍ୟକ୍ତି ନିଜ ଗାଁରୁ ଅଇଁଲାଚାଟ ଛକକୁ ଆସୁଥିଲେ । ହେଲେ ହଠାତ ଗାଡିଟି ଭାରସାମ୍ୟ ହରାଇ ଏକ ଗଛରେ ପିଟି ହୋଇଥିଲା । ଏହା ପରେ ପୋଲିସ ଗାଡିରେ ଉଭୟ ଗୁରୁତରଙ୍କୁ ଉଲୁଣ୍ଡା ଡାକ୍ତରଖାନାକୁ ଆଣଯାଇଥିଲା । ସେଠାରେ ଲଳିତଙ୍କୁ ଡାକ୍ତର ମୃତ ଘୋଷଣା କରିଥିଲେ । ଅନ୍ୟପଟେ, ପ୍ରମୋଦକୁ ସୋନପୁର ଡାକ୍ତରଖାନାକୁ ଅଣାଯାଇଛି । ସେପଟେ ଘଟଣାସ୍ଥଳରେ ପୋଲିସ ପହଞ୍ଚି ବାଇକକୁ ଜବତ କରିବା କରିବା ଘଟଣାର ତଦନ୍ତ କରୁଛି । ମୃତକଙ୍କ ଶବ ବ୍ୟବଚ୍ଛେଦ କରିବା ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ