ସୁବର୍ଣ୍ଣପୁର: ସହରର ବାପୁଜୀ କ୍ଳବ ପକ୍ଷରୁ 50ତମ କ୍ଳବର ପ୍ରତିଷ୍ଠା ଦିବସ ତଥା 150ତମ ଗାନ୍ଧୀ ଜୟନ୍ତୀ ପାଳିତ ହୋଇଯାଇଛି । ଏହି ଅବସରରେ ବାପୁଜୀ କ୍ଳବ ତରଫରୁ ପରିବେଷଣ ହୋଇଛି ନାଟକ ‘ଶୂନ୍ୟ ଆକାଶ ଅମର ଆଖି’। ଗାନ୍ଧୀଙ୍କ ଉପରେ ଆଧାରିତ ଏହି ନାଟକକୁ କ୍ଳବର ସଭ୍ୟମାନେ ପରିବେଷଣ କରି ଗାନ୍ଧୀଙ୍କର ଅନେକ ସାମାଜିକ ବାର୍ତ୍ତା ଦେଇଥିଲେ ।
ଭିଡିଓ ସୌଜନ୍ୟ: ପ୍ରତିନିଧି, ସୁବର୍ଣ୍ଣପୁର
ରଜତ ଜୟନ୍ତୀ ଅବସରରେ କ୍ଳବ ତରଫରୁ ଗାନ୍ଧୀ ବାର୍ତ୍ତାକୁ ନେଇ ବିଭିନ୍ନ ପ୍ରତିଯୋଗିତା ଆୟୋଜନ କରାଯାଇଥିଲା । ତିନିଦିନ ଧରି ଆୟୋଜିତ ହେଉଥିବା ଏହି ପ୍ରତିଷ୍ଠା ପର୍ବରେ ବାପୁଜୀଙ୍କ ଉପରେ ଅନେକ କାର୍ଯ୍ୟକ୍ରମ କରିବା ପାଇଁ କ୍ଳବ ତରଫରୁ ବ୍ୟାପକ ପ୍ରସ୍ତୁତି କରାଯାଇଛି । ବାପୁଜୀ କ୍ଳବର କଳାକାରମାନେ ଗାନ୍ଧୀଙ୍କ ନୀତି ଓ ଆଦର୍ଶ ଉପରେ ଆଧାରିତ ନାଟକ ‘ଶୂନ୍ୟ ଆକାଶ ଅମର ଆଖି’ରେ ଚମତ୍କାର ଅଭିନୟ କରିଥିଲେ।