ସୁବର୍ଣ୍ଣପୁର: କୋରୋନା କଟକଣା ମଧ୍ୟରେ ପାରମ୍ପରିକ ରୀତିନୀତିରେ ଦେବୀଙ୍କ ପୂଜା ଆରାଧନା କରାଯାଉଛି । ଗୁରୁବାର ବଗଳାମୁଖୀ ବେଶରେ ଶ୍ରଦ୍ଧାଳୁମାନଙ୍କୁ ଦର୍ଶନ ଦେଇଛନ୍ତି ସୁବର୍ଣ୍ଣପୁର ସହରର ଇଷ୍ଟଦେବୀ ମା ସୁରେଶ୍ବରୀ । ତେବେ ଆଜି ମା ଜୟଦୁର୍ଗା ବେଶରେ ଶ୍ରଦ୍ଧାଳୁଙ୍କୁ ଦେବେ ଦର୍ଶନ ।
ଇଷ୍ଟଦେବୀ ମା ସୁରେଶ୍ବରୀ
ସେବାୟତ ମାନେ ପ୍ରତ୍ୟହ ବିଭିନ୍ନ ବେଶ କରୁଛନ୍ତି । କେବଳ ସକାଳେ ଓ ସଞ୍ଜରେ ଦେବୀ ପୀଠ ଖୋଲା ରହୁଥିବାବେଳେ ମଧ୍ୟାହ୍ନରେ ମନ୍ଦିରର ମୁଖ୍ୟ ଫାଟକ ବନ୍ଦ କରି ଦିଆଯାଉଛି । ଦେବୋତ୍ତର ବିଭାଗ ପକ୍ଷରୁ ଜନ ସମାଗମକୁ ବାରଣ କରାଯାଇଛି । ସେବାୟତମାନେ କୋଭିଡ ନିୟମ ପାଳନ କରି ଦେବୀଙ୍କ ପୂଜା ଆରାଧନା କରୁଛନ୍ତି । ସନ୍ଧ୍ୟା ଆରତୀ ସମୟରେ ବ୍ୟବହାର ହେଉଥିବା ଲୋକବାଦ୍ୟକୁ ବି ବାରଣ କରାଯାଇଛି ।