ସୁବର୍ଣ୍ଣପୁର: ସୁବର୍ଣ୍ଣପୁର ସହରରେ ଜବର ଦଖଲ ଉଚ୍ଛେଦ। ସରକାରୀ ଜମି ଉପରେ ବେଆଇନ ଭାବରେ ଜବରଦଖଲ ଦୋକାନୀଙ୍କୁ ହଟାଇ ଦିଆଯାଇଛି। ପୌର ପରିଷଦ ଓ ସଦର ତହସିଲ କାର୍ଯ୍ୟାଳୟ ପକ୍ଷରୁ ବେଆଇନ ଜବରଦଖଲକାରୀଙ୍କୁ ଉଚ୍ଛେଦ କରାଯାଇଛି। ଫଳରେ ବ୍ୟବସାୟୀଙ୍କୁ ବହୁ କ୍ଷତି ସହିବାକୁ ପଡ଼ିଛି।
ସୁୂବର୍ଣ୍ଣପୁର ସହରରେ ଜବରଦଖଲ ଉଚ୍ଛେଦ
ଏହି ଉଚ୍ଛେଦକୁ ବିରୋଧ କରିଛନ୍ତି ଦୋକାନୀ ଓ ବ୍ୟବସାୟୀ। 10ରୁ 12 ବର୍ଷ ହେଲା ଏଠାରେ ବ୍ୟବସାୟ କରି ଆସୁଥିଲେ। ଏବେ କୁଆଡ଼େ ଯିବେ, କେମିତି ପେଟ ପୋଷିବେ ବୋଲି ପ୍ରଶ୍ନ କରିଛନ୍ତି ବ୍ୟବସାୟୀ। ସୁବର୍ଣ୍ଣପୁରରୁ ମନମୁଣ୍ଡା ରାସ୍ତାର ବାମ ପାର୍ଶ୍ବରେ ନୂତନ ଟାଉନ ହଲ ପରିସର ପାଚେରୀ ନିର୍ମାଣ ହେବ। ଏଥିପାଇଁ ଏହି ଜବରଦଖଲକାରୀଙ୍କୁ ଉଚ୍ଛେଦ କରାଯାଇଛି । ସରକାରୀ ଜମି ବେଆଇନ ଭାବେ ଜବରଦଖଲ କରି ବିଭିନ୍ନ ବ୍ୟବସାୟ କରୁଥିବା ଏହି ବ୍ୟବସାୟୀଙ୍କୁ ସରକାରୀ ଜମି ଛାଡ଼ି ଦେବାକୁ ରାଜସ୍ବ ବିଭାଗ ପକ୍ଷରୁ ପୂର୍ବରୁ ସୂଚନା ଦିଆଯାଇଥିଲା।