ସୁବର୍ଣ୍ଣପୁରର ସମସ୍ତ କୋଭିଡ ଟୀକାକରଣ କେନ୍ଦ୍ର ବନ୍ଦ

କେନ୍ଦ୍ର ସରକାର ଟିକା ଉତ୍ସବ ପାଳନ କରୁଥିବା ବେଳେ ଆଜକୁ ଦୁଇ ଦିନ ହେଲା ସୁବର୍ଣ୍ଣପୁର ଜିଲ୍ଲା ମୁଖ୍ୟ ଚିକିତ୍ସାଳୟ ସହିତ ଜିଲ୍ଲାରେ ଖୋଲାଯାଇଥିବା 55 ଗୋଟି ଟୀକାକରଣ କେନ୍ଦ୍ରକୁ ବନ୍ଦ କରି ଦିଆଯାଇଛି । ତେବେ ଟିକା ଆସିଲେ ପୁଣି ଟୀକାକରଣ କାର୍ଯ୍ୟକ୍ରମ ଆରମ୍ଭ କରାଯିବ ବୋଲି ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଦିଲ୍ଲୀପ କୁମାର ପଣ୍ଡା କହିଛନ୍ତି । ଅଧିକ ପଢନ୍ତୁ...

ସୁବର୍ଣ୍ଣପୁର: କେନ୍ଦ୍ର ସରକାର ଟିକା ଉତ୍ସବ ପାଳନ କରୁଥିବା ବେଳେ ଆଜକୁ ଦୁଇ ଦିନ ହେଲା ସୁବର୍ଣ୍ଣପୁର ଜିଲ୍ଲା ମୁଖ୍ୟ ଚିକିତ୍ସାଳୟ ସହିତ ଜିଲ୍ଲାରେ ଖୋଲାଯାଇଥିବା 55 ଗୋଟି ଟୀକାକରଣ କେନ୍ଦ୍ରକୁ ବନ୍ଦ କରି ଦିଆଯାଇଛି । ଜିଲ୍ଲାରେ ଟିକାର ଅଭାବ ଦେଖା ଦେଇଥିବାରୁ ଟୀକାକରଣ କେନ୍ଦ୍ରଗୁଡିକ ସବୁ ବନ୍ଦ ରହିଛି । ତେବେ ଜିଲ୍ଲା ମୁଖ୍ୟ ଚିକିତ୍ସାଳୟ ତରଫରୁ କୌଣସି ସୂଚନା ଦିଆଯାଇ ନ ଥିବାରୁ ଲୋକେ ଟୀକାକରଣ କେନ୍ଦ୍ରକୁ ଆସି ନିରାଶରେ ଘରକୁ ଫେରୁଛନ୍ତି ।

ଦୈନିକ ପ୍ରାୟ ଚାରି ହଜାର ଡୋଜ ଟିକାର ଆବଶ୍ୟକତା ରହିଥିବା ବେଳେ ଗୋଟିଏ ହେଲେ ବି କେନ୍ଦ୍ରରେ ଟିକା ନାହିଁ । ଏପଟେ ଗୋଟିଏ ଡୋଜ ନେଇ ସାରିଥିବା ଲୋକେ ଦ୍ବୀତିୟ ଡୋଜ ପାଇଁ ରେଜିଷ୍ଟ୍ରେସନ କରି ଟିକା ଅପେକ୍ଷାରେ ଅଛନ୍ତି । ତେବେ ନିର୍ଦ୍ଧିଷ୍ଟ ସମୟ କଥା କହି ନ ଥିଲେ ବି ଟିକା ଆସିଲେ ପୁଣି ଟୀକାକରଣ କାର୍ଯ୍ୟକ୍ରମ ଆରମ୍ଭ କରାଯିବ ବୋଲି ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଦିଲ୍ଲୀପ କୁମାର ପଣ୍ଡା କହିଛନ୍ତି ।

ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ