ସୁବର୍ଣ୍ଣପୁର: ଆଉ ଦୁଇ ଦିନ ପରେ ମହାଳୟା । ସୋନପୁର ଗଡଜାତରେ ଐତିହାସିକ ବଳିଯାତ୍ରା ପର୍ବ ଆରମ୍ଭ ହେବାକୁ ଥିବାବେଳେ ଏବେ ଠୁ ଉତ୍ସବମୁଖର ହୋଇଉଠିଛି ଅଷ୍ଟଚଣ୍ଡୀଙ୍କ ପୀଠ । ହେଲେ ଏଥର ବି ଦେବୋତ୍ତର ବିଭାଗ ସେବାୟତଙ୍କୁ ବଳୀଯାତ୍ରା ପାଳନରେ ସାମିଲ ହେବା ପାଇଁ ମନାଇବାରେ ବିଫଳ ହୋଇଛି । ରାଜାରାଜୁଡା ଅମଳରୁ ହଜାର ହଜାର ଏକର ଭୂସମ୍ପତ୍ତି ସେବାୟତ ଭୋଗ ଦଖଲ କରୁଥିବା ସତ୍ତ୍ବେ ବଳୀଯାତ୍ରା ସମୟରେ ସେବାୟତମାନଙ୍କ ଅସହଯୋଗ ଏହି ପର୍ବକୁ ମଳିନ କରିଛି।
ସୋନପୁରର ଐତିହାସିକ ବଳୀଯାତ୍ରା, ସେବାୟତଙ୍କୁ ମନାଇବାରେ ବିଫଳ ଦେବତ୍ତୋର ବିଭାଗ
ବିଶେଷକରି ସକମା ଗାଁର ସେବାୟତମାନେ ଆଜକୁ ଦଶନ୍ଧିରୁ ଅଧିକ ହେଲା ଦେବୀଙ୍କ ସେବାପୂଜା କରୁ ନାହାନ୍ତି କି ବଳିଯାତ୍ରା ପାଳନରେ ସାମିଲ ହେଉ ନାହାନ୍ତି । ରାଜା ରାଜୁଡା ଅମଳରୁ ପ୍ରାୟ 495 ଏକର ଭୂସମ୍ପତ୍ତି ସେବାୟତମାନେ ଭୋଗ ଦଖଲ କରି ଆସୁଛନ୍ତି । ହେଲେ ବଳିଯାତ୍ରା ପର୍ବରେ ସେବାୟତମାନେ ସାମିଲ ହେଉ ନାହାନ୍ତି । ଫଳରେ ଅନ୍ୟ ସେବାୟତମାନଙ୍କୁ ପାରିଶ୍ରମିକ ଦେଇ ଏହି ବଳୀକାର୍ଯ୍ୟ ସମ୍ପନ୍ନ ହୋଇଆସୁଛି।