ସୁବର୍ଣ୍ଣପୁର: ନାବାଳିକାକୁ ଅପହରଣ ଅଭିଯୋଗରେ ଗିରଫ ହୋଇଛି ସ୍ଥାନୀୟ ଉଲୁଣ୍ଡା ଥାନା ଅନ୍ତର୍ଗତ ଡିଡିମାଲ ଗାଁର ଅଭିଯୁକ୍ତ । ତାମିଲନାଡୁର ଥେନି ଥାନା ପୋଲିସ ଉଲୁଣ୍ଡା ପୋଲିସ ସହାୟତାରେ ସମ୍ପୃକ୍ତ 22 ବର୍ଷୀୟ ଅଭିଯୁକ୍ତକୁ ମଙ୍ଗଳବାର ଗିରଫ କରିଥିବା ସୂଚନା ।
ଭିଡିଓ ସୌଜନ୍ୟ: ପ୍ରତିନିଧି, ସୁବର୍ଣ୍ଣପୁର
ସୂଚନା ଅନୁଯାୟୀ ଅପହରଣ ଘଟଣାର ଅଭିଯୁକ୍ତ ଅନନ୍ତ ଭେସ୍ରାକୁ ଗିରଫ କରିବା ପାଇଁ ତାମିଲନାଜୁ ଥେନି ଥାନାର ଆଇଆଇସି ଭିକ୍ଟୋରିଆ ଲୌର୍ଡୋ ମାରି ଉଲୁଣ୍ଡା ଆଇଆଇସି ବିଦୁ ଭୂଷଣ ପୁଟାଙ୍କ ସହାୟତା ଲୋଡିଥିଲେ । ଏଠାରେ ପ୍ରକାଶ କି ଅଭିଯୁକ୍ତ ଅନନ୍ତ ତାମିଲନାଡୁର କଣାପଲୟମ ନିକଟରେ ଏକ ସୂତା କଳରେ ଗତ ତିନି ବର୍ଷ ହେବ କାମ କରୁଥିଲା । ଏହି ସମୟରେ ସେଠାରେ କାମ କରୁଥିବା ଏକ ନାବାଳିକା ସହ ଅନନ୍ତର ପ୍ରେମ ସମ୍ପର୍କ ଗଢି ଉଠିଥିଲା ।