ସୁବର୍ଣ୍ଣପୁର: କୋଟସମଲାଇ ପାତାଳୀ ଶ୍ରୀକ୍ଷେତ୍ରକୁ ରାଜ୍ୟ ସରକାର ଦୁଇ କୋଟି ଟଙ୍କାର ଅନୁଦାନ ଯୋଗାଇ ଦେଇଛନ୍ତି । ଜଗନ୍ନାଥ ସଂସ୍କୃତିର ଏହି ଅନନ୍ୟ ପର୍ଯ୍ୟଟନ ପୀଠର ବିକାଶ ପାଇଁ ବିଳମ୍ବରେ ହେଲେ ବି ସରକାର ଅନୁଦାନ ଯୋଗାଇ ଦେଇଥିବାରୁ ଜିଲ୍ଲାବାସୀ ଏହାକୁ ସ୍ୱାଗତ କରିବା ସହିତ ରାଜ୍ୟ ସରକାରଙ୍କୁ କୃତଜ୍ଞତା ଜଣେଇଛନ୍ତି ।
ପାତାଳୀ ଶ୍ରୀକ୍ଷେତ୍ରକୁ ଦୁଇ କୋଟି ଟଙ୍କାର ଅନୁଦାନ
ସ୍ଥାନୀୟ ବିଧାୟକ ତଥା ପରିବହନ ମନ୍ତ୍ରୀ ପଦ୍ମନାଭ ବେହେରାଙ୍କ ପ୍ରୟାସ ଫଳରେ ଏହି ପର୍ଯ୍ୟଟନ ପୀଠର ବିକାଶ ହୋଇ ପାରିଛି ବୋଲି ପାତାଳୀ ଶ୍ରୀକ୍ଷେତ୍ର ମହୋତ୍ସବ କମିଟି ପକ୍ଷରୁ ସୂଚନା ଦିଆଯାଇଛି । ତେବେ ଦୀର୍ଘ ଦିନର ବ୍ୟବଧାନ ପରେ ଏହି ପାବନ ପୀଠର ବିକାଶ ପାଇଁ ରାଜ୍ୟ ଯୋଜନା ଓ ଉନ୍ନୟନ ବିଭାଗ ପକ୍ଷରୁ ଦୁଇ କୋଟି ଟଙ୍କା ଜିଲ୍ଲା ଗ୍ରାମ୍ୟ ଉନ୍ନୟନ ବିଭାଗକୁ ପ୍ରଦାନ କରାଯାଇଛି ।