ସୁବର୍ଣ୍ଣପୁର: କାଳ ହେଲା ମୋବାଇଲରେ ଗେମ ଖେଳିବା (MOBILE GAME) । ମୋବାଇଲରେ ଗେମ ଖେଳୁଥିବା ସମୟରେ ଟ୍ରେନ ଧକ୍କାରେ(TRAIN ACCIDENT) ତିନି ସାଙ୍ଗଙ୍କ ହୋଇଛି ଅଭାବନୀୟ ମୃତ୍ୟୁ । ଏହି ତିନି ଯୁବକ ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ଥାନା ଖୁଣ୍ଟପାଲି ଗାଁର ବୋଲି ଜଣାପଡିଛି ।
TRAIN ACCIDENT: ମୋବାଇଲରେ ଗେମ ଖେଳିବା ହେଲା କାଳ, ଟ୍ରେନ ଧକ୍କାରେ ତିନି ଯୁବକଙ୍କ ମୃତ୍ୟୁ
ସୂଚନାମୁତାବକ, ତିନି ସାଙ୍ଗ ସାନ ନୂଆପାଲି ରେଲୱେ କ୍ରସିଂ(Nuapalli Railway Crossing) ନିକଟରେ ହେଡ଼ ଫୋନ ଲଗାଇ ରେଲୱେ ଟ୍ରାକ ଉପରେ Free Fire ଗେମ ଖେଳୁଥିଲେ । ତେବେ ହଠାତ ତିନି ସାଙ୍ଗଙ୍କୁ ପଛ ପଟରୁ ଟ୍ରେନ ଧକ୍କା ଦେଇଥିଲା । ହେଡ଼ ଫୋନ ବ୍ୟବହାର କରିଥିବାରୁ ଯୁବକମାନେ ଟ୍ରେନ ଆସିବା ଜାଣି ପାରି ନଥିଲେ। ଫଳରେ ମାଲ ଗାଡି ଟ୍ରେନରେ କଟି ଘଟଣାସ୍ଥଳରେ ତିନି ଜଣ ଯୁବକଙ୍କ ମୃତ୍ୟୁ ହୋଇଥିବା ଲୋକଙ୍କ ପାଖରୁ ସୂଚନା ମିଳିଛି ।