ସୁବର୍ଣ୍ଣପୁର: ଡକାୟତି ଉଦ୍ୟମକୁ ପଣ୍ଡ କରିବାରେ ସଫଳ ହେଲା ସୁବର୍ଣ୍ଣପୁର ପୋଲିସ । ସୋମବାର ବିଳମ୍ବିତ ରାତିରେ ପୋଲିସ ପାଟ୍ରୋଲିଂ କରୁଥିବା ସମୟରେ 5 ଜଣ ଦୁର୍ବୃତ୍ତଙ୍କୁ କଳାପଥର ଛକରେ ସନ୍ଦେହଜନକ ଅବସ୍ଥାରେ ବୁଲୁଥିବା ଦେଖି ପଚରାଉଚୁରା କରିଥିଲା । ଶେଷରେ ସେମାନେ ଡକାୟତି ଯୋଜନା କରୁଥିବା ପୋଲିସ ଜାଣିପାରିଲା ।
ଭିଡିଓ ସୌଜନ୍ୟ: ପ୍ରତିନିଧି, ସୁବର୍ଣ୍ଣପୁର
ଉକ୍ତ ଦୁର୍ବୃତ୍ତଙ୍କୁ ପୋଲିସ ପଚାରାଉଚୁରା କରିବା ସମୟରେ ସେମାନେ ଦୌଡିବାକୁ ଲାଗିଲେ। ପୋଲିସ ଦୁର୍ବୁତ୍ତଙ୍କୁ ଗୋଡାଇ ତିନି ଜଣଙ୍କୁ ଧରିବାରେ ସଫଳ ହୋଇଥିଲା । ସେମାନଙ୍କ ପାଖରୁ ଗୋଟିଏ ପିସ୍ତଲ, ଗୋଟିଏ ଭୂଜାଲି, ଗୋଟିଏ ଅଫୁଟା ଗୁଳି, ମୋବାଇଲ ଓ 2275 ଟଙ୍କା ଜବତ କରିଛି । ସେମାନେ ସହରର କୌଣସି ଏକ ସ୍ଥାନରୁ ଡକାୟତି କରିବା ପାଇଁ ଆସିଥିବା ପୋଲିସ ତଦନ୍ତରୁ ଜାଣିପଡିଛି ।