ସୁବର୍ଣ୍ଣପୁର: ସୁବର୍ଣ୍ଣପୁର ଜିଲ୍ଲା ଶ୍ରମ ଅଧିକାରୀଙ୍କ ବଦାନ୍ୟତା । ଗଞ୍ଜାମର ବିଭିନ୍ନ ଗ୍ରାମରୁ ଆସି ସୁବର୍ଣ୍ଣପୁରରେ କାମ କରୁଥିବା 21 ଶ୍ରମିକଙ୍କୁ ନିଜ ନିଜ ଘରକୁ ପଠେଇବାର ବ୍ୟବସ୍ଥା କରିଛନ୍ତି ଜିଲ୍ଲା ଶ୍ରମ ଅଧିକାରୀ ଡିଲେଶ୍ବର ଖାଖା ।
ସୂଚନାନୁଯାୟୀ, ଗଞ୍ଜାମ ଜିଲ୍ଲା ବଡ଼ଗାଁ ପଞ୍ଚାୟତର ବିଭିନ୍ନ ଗାଁରୁ 21 ଜଣ ଶ୍ରମିକ ଏକ ଠିକାଦାରଙ୍କ ମାଧ୍ୟମରେ ସୁବର୍ଣ୍ଣପୁର ସହରକୁ ନିର୍ମାଣ କାର୍ଯ୍ୟ କରିବାକୁ ଆସିଥିଲେ । ପ୍ରାୟ ଗୋଟିଏ ସପ୍ତାହ କାମ କରିବା ପରେ ଠିକାଦାର ତାଙ୍କୁ ମଜୁରୀ ଦେବା ପାଇଁ ଅମଙ୍ଗ ହୋଇଥିବା ଶ୍ରମିକମାନେ ଅଭିଯୋଗ କରିଥିଲେ । ଠିକାଦାର ରହିବା, ଖାଇବା ସହିତ କାମ ଯାଗାକୁ ଯିବା ଆସିବା ଖର୍ଚ୍ଚ ବହନ କରିବା ପାଇଁ ପ୍ରତିଶ୍ରୁତି ଦେଇ ଗଞ୍ଜାମରୁ ସୁବର୍ଣ୍ଣପୁରକୁ ଆଣିଥିଲେ । ହେଲେ ଏଠାରେ ବହୁତ ଅବ୍ୟବସ୍ଥା ଭିତରେ ଶ୍ରମିକ ମାନଙ୍କୁ ରଖିଥିବା ଅଭିଯୋଗ କରିଥିଲେ । ଫଳରେ ମଜୁରୀ ଦେଇ ତାଙ୍କୁ ଘରକୁ ଫେରାଇ ନେବା ପାଇଁ ଶ୍ରମିକମାନେ ଠିକାଦାରଙ୍କୁ କହିଥିଲେ । ହେଲେ ଠିକାଦାର ଅମଙ୍ଗ ହେବାରୁ ଶ୍ରମିକ ମାନେ ଜିଲ୍ଲା ଶ୍ରମ ଅଧିକାରୀଙ୍କ ପାଖରେ ଅଭିଯୋଗ କରିଥିଲେ ।