ସୁବର୍ଣ୍ଣପୁର: ପାଣିରେ ବୁଡି 2 ଛାତ୍ରୀ ମୃତ । ଏଭଳି ଅଭାବନୀୟ ଘଟଣା ଘଟିଛି ସୁବର୍ଣ୍ଣପୁର ସଦର ବ୍ଲକ ଅନ୍ତର୍ଗତ ମଲ୍ଲିକମୁଣ୍ଡା ଗାଁରେ । ମୃତ ଛାତ୍ରୀ ହେଲେ ସେହି ଗାଁର ଉଗ୍ରସେନ ମହାନନ୍ଦଙ୍କ 7 ବର୍ଷୀୟ ଝିଅ ପିଙ୍କି ଓ ନୃପ ଲୁହାଙ୍କ 6 ବର୍ଷୀୟ ଝିଅ ରାକ୍ଷୀ ।
ପାଣିରେ ବୁଡି 2 ଛାତ୍ରୀ ମୃତ
ସୂଚନାନୁସାରେ, ଗୁରୁବାର ସକାଳୁ ପିଙ୍କି ଓ ରାକ୍ଷୀ ଖେଳୁଥିବାବେଳେ ନିକଟରେ ଥିବା ପୁଟୁକିବନ୍ଧ ପୋଖରୀକୁ ଗାଧୋଇବାକୁ ଯାଇଥିଲେ । ଉଭୟ ଦୀର୍ଘ ସମୟରେ ଧରି ନଫେରିବାରୁ ଜଣେ ଗ୍ରାମବାସୀ ଝିଅ 2ଟି ଗାଧୁଆ ଘାଟରୁ କୁଆଡେ ହଠାତ ଉଭାନ ହୋଇଯାଇଥିବା କହିଥିଲେ। ଏହା ପରେ ପରିବାର ଲୋକେ ଉଭୟଙ୍କୁ ପୋଖରୀରେ ଖୋଜାଖୋଜି କରିଥିଲେ।