ଶ୍ୟାମ DRI କମ୍ପାନୀ ପରିସରରେ ଅଘଟଣ, ସୁରକ୍ଷାକର୍ମୀ ଗୁଳିରେ ଯୁବକ ମୃତ

ଶ୍ୟାମ DRI କମ୍ପାନୀର ସୁରକ୍ଷାକର୍ମୀଙ୍କ ଗୁଳିରେ ଜଣେ ଯୁବକଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି । ଅଧିକ ପଢ଼ନ୍ତୁ...

ସମ୍ବଲପୁର: ଶ୍ୟାମ DRI କମ୍ପାନୀର ସୁରକ୍ଷାକର୍ମୀଙ୍କ ଗୁଳିରେ ଜଣେ ଯୁବକଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି । ସମ୍ବଲପୁର ରେଙ୍ଗାଲିସ୍ଥିତ ଶ୍ୟାମ DRI କମ୍ପାନୀର ପାଚେରୀ ଡେଇଁ ଚୋରି କରି ଜଣେ ଯୁବକ ଫେରାର ହେଉଥିବାବେଳେ ସୁରକ୍ଷାକର୍ମୀ ଗୁଳି ଚଳାଇଥିଲେ । ଫଳରେ ଯୁବକ ଜଣକଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି ।

ମୃତ ଯୁବକ ଜଣକ ଝାରସୁଗୁଡ଼ା ଲହଣ୍ଡା ବୁଡ଼ ଗାଁର ଅନୁରାଗ ଭୂୟାଁ ବୋଲି ଜଣାପଡ଼ିଛି । ଗୁଳି ବାଜିବା ପରେ ଯୁବକଙ୍କୁ ବୁର୍ଲା ଡାକ୍ତରଖାନାକୁ ନିଆଯାଉଥିଲା । ତେବେ ଡାକ୍ତରଖାନା ଯିବା ବାଟରେ ହିଁ ଯୁବକଙ୍କ ପ୍ରାଣବାୟୁ ଉଡ଼ିଯାଇଥିଲା । ଅପରାହ୍ଣ ୩ଟାବେଳେ ଶ୍ୟାମ DRI କମ୍ପାନୀ ପରିସରରେ ଘଟିଥିଲା ଏହି ଘଟଣା ।

ତେବେ କେଉଁ ପରିସ୍ଥିତିରେ ସୁରକ୍ଷାକର୍ମୀ ଯୁବକ ଜଣକଙ୍କ ଉପରକୁ ଗୁଳି ଚଳାଇଥିଲେ ତାହା ସ୍ପଷ୍ଟ ହୋଇନାହିଁ । ରେଙ୍ଗାଲି ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଜାରି ରଖିଛି । ଏହି ଘଟଣାରେ ପୋଲିସ ଜଣେ ସୁରକ୍ଷାକର୍ମୀଙ୍କୁ ଅଟକ ରଖି ପଚରାଉଚରା ଜାରି ରଖିଛି ।

ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ