ରେଙ୍ଗାଲିରେ ଯୁବକଙ୍କୁ ଟାଙ୍ଗିଆରେ ହାଣି ହତ୍ୟା

ସମ୍ବଲପୁର ଜିଲ୍ଲା ରେଙ୍ଗାଲି ଥାନା ଅନ୍ତର୍ଗତ ପୁରୁଣା ବସ୍ତିରେ ବୀଭତ୍ସ ହତ୍ୟା । ଟାଙ୍ଗିଆରେ ଯୁବକଙ୍କୁ ହାଣି ହତ୍ୟାକଲେ ଦୁର୍ବୃତ୍ତ । ଅଧିକ ପଢନ୍ତୁ

ସମ୍ବଲପୁର:ରେଙ୍ଗାଲିରେ ଚାଞ୍ଚଲ୍ୟ । ଟାଙ୍ଗିଆରେ ଯୁବକଙ୍କୁ ହାଣି ହତ୍ୟାକଲେ ଦୁର୍ବୃତ୍ତ । ଏଭଳି ଜଘନ୍ୟ ହତ୍ୟାକାଣ୍ଡ ଘଟିଛି ସମ୍ବଲପୁର ଜିଲ୍ଲା ରେଙ୍ଗାଲି ଥାନା ଅନ୍ତର୍ଗତ ପୁରୁଣା ବସ୍ତିରେ । ମୃତ ଯୁବକ ହେଲେ ପୁରୁଣା ବସ୍ତିର ଅଭିଷେକ ଖମାରୀ । ଗତକାଲି(ବୁଧବାର) ରାତିରେ ଅଭିଷେକଙ୍କୁ ବୀଭତ୍ସ ଭାବେ ହତ୍ୟା କରାଯାଇଥିଲା । ଏନେଇ ମୃତକଙ୍କ ପରିବାରଲୋକେ ପୋଲିସକୁ ଖବର ଦେଇଥିଲେ । ଖବରପାଇ ରେଙ୍ଗାଲି ପୋଲିସ ଓ ସାଇଣ୍ଟିଫିକ ଟିମ ଘଟଣାସ୍ଥଳରେ ପହଞ୍ଚି ତଦନ୍ତ ଟାଙ୍ଗିଆ ଜବତ କରିଛନ୍ତି । ହତ୍ୟାକାଣ୍ଡର କାରଣ ଅସ୍ପଷ୍ଟ ରହିଥିବା ବେଳେ ଚିନ୍ତାମଣି ସାହୁ ନାମକ ଜଣେ ଯୁବକକୁ ଅଟକ ରଖି ତଦନ୍ତ ଆରମ୍ଭ କରିଛି ପୋଲିସ । ଘଟଣାର ତଦନ୍ତ ପରେ ହତ୍ୟାକାଣ୍ଡର ପ୍ରକୃତ ଘଟଣା ସାମ୍ନାକୁ ଆସିପାରିବ ।

ସୂଚନାଯୋଗ୍ୟ ଯେ, ଗତ 9 ତାରିଖ ଦିନ ସମ୍ବଲପୁର ଏକ ହତ୍ୟାକାଣ୍ଡ ଖବର ସାମ୍ନାକୁ ଆସିଥିଲା । ପୋଲିସକୁ ଖୋଲାଖୋଲି ଚାଲେଞ୍ଜ ଦେଇଥିଲେ ଦୁର୍ବୃତ୍ତ । ଯୁବକଙ୍କୁ ହତ୍ୟା କରିବା ପରେ ଥାନା ସମ୍ମୁଖରେ ଉଲଗ୍ନ ମୃତଦେହ ଫିଙ୍ଗିଲେ ଦୁର୍ବୃତ୍ତ । ମୃତକ ସମ୍ବଲପୁର ବିଶ୍ଵବିଦ୍ୟାଳୟ ନିକଟ ବସନ୍ତବିହାର ଅଞ୍ଚଳର ରାମ ମେହେର । ତାଙ୍କୁ ପ୍ରଥମେ ଅପହରଣ ପରେ ଅକଥନୀୟ ନିର୍ଯାତନା ଦିଆଯାଇ ହତ୍ୟା କରାଯାଇଥିବା ଜଣାପଡିଥିଲା ।

ଇଟିଭି ଭାରତ, ସମ୍ବଲପୁର