ବାରହା ଆକ୍ରମଣରେ ଜଣେ ମୃତ

ସମ୍ବଲପୁର ଜିଲ୍ଲା ମହୁଲିପାଲି ଥାନା ଅନ୍ତର୍ଗତ ଲନ୍ଦୁରଡିହି ଗ୍ରାମରେ ବାରହା ଆକ୍ରମଣରେ ଜଣେ ମୃତ । ସ୍ଥାନୀୟ ଲୋକେ ମୃତକଙ୍କ ପରିବାର ପାଇଁ କ୍ଷତିପୂରଣ ଦାବି କରିଛନ୍ତି ।

ସମ୍ବଲପୁର: କୁଚିଣ୍ଡା ଉପଖଣ୍ଡ ମହୁଳପାଲି ଅଞ୍ଚଳରେ ବାରହା ଆକ୍ରମଣରେ ଜଣେ ମୃତ । ମୃତକ ଜଣକ ହେଲେ ଲୁନ୍ଦୁରୁଡ଼ିହି ଗ୍ରାମର ବେଞ୍ଜାମିନ ବାଙ୍କର ।

ସମ୍ବଲପୁର ଜିଲ୍ଲା କୁଚିଣ୍ଡା ଉପଖଣ୍ଡ ମହୁଲପାଲି ଥାନା ଅନ୍ତର୍ଗତ ଲୁନ୍ଦୁରୁଡ଼ିହି ଗ୍ରାମରେ ଜଙ୍ଗଲୀ ବାରହା ଆକ୍ରମଣରେ ଜଣେ 60 ବର୍ଷୀୟା ବୃଦ୍ଧଙ୍କର ମୃତ୍ୟୁ ଘଟିଛି । ବୃଦ୍ଧା ଜଣକ ନିଜ ଜମିକୁ ଧାନ ଦେଖିବାକୁ ଯିବା ସମୟରେ ଜଙ୍ଗଲୀ ବରାହ ହାବୁଡ଼ରେ ପଡିଯାଇଥିଲେ ।

ବରାହ ଆକ୍ରମଣରେ ତାଙ୍କର ଶରୀରର ଅଧିକାଂଶ କ୍ଷତ ହୋଇଥିବା ବେଳେ ଗୋଟିଏ ଗୋଡ ଛିଣ୍ଡି ଯାଇ ଶରୀରରେ ଲାଗିରହିଥିଲା । ବରାହ ଆକ୍ରମଣରେ ଗୁରୁତର ଅବସ୍ଥାରେ ତାଙ୍କୁ ସ୍ଥାନୀୟ ଲୋକେ ଉଦ୍ଧାର କରି କୁଚିଣ୍ଡା ମୁଖ୍ୟ ଚିକିତ୍ସାଲୟକୁ ଭର୍ତ୍ତି କରିଥିଲେ । କୁଚିଣ୍ଡା ଚିକିତ୍ସାଳୟରେ ପ୍ରାଥମିକ ଚିକିତ୍ସା ପରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ସ୍ଥାନୀୟ ଲୋକେ ମୃତକଙ୍କ ପରିବାର ପାଇଁ କ୍ଷତିପୂରଣ ଦାବି କରିଛନ୍ତି ।

ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ