ସମ୍ବଲପୁର: ପ୍ରତି ଘର ଅଗଣାରେ ପାଣି ଟ୍ୟାପ । ଟ୍ୟାପ ଖୋଲିବା ମାତ୍ରେ ଗଦଗଦ ହୋଇ ବୋହି ଆସୁଛି ସ୍ବଚ୍ଛ ପାଣି । ବର୍ଷ ତମାମ ଲୋକଙ୍କ ଶୋଷ ମେଣ୍ଚାଉଛି ଏହି ଟ୍ୟାପ ପାଣି । ହାତ ପାହାନ୍ତାରେ ମିଳୁଥିବା ପାଣି ପାଇଁ ନା ଦେବାକୁ ପଡୁଛି ଦେୟ ନା ପାୱାର କଟ ଅଛି ଟେନସନ । ସମ୍ବଲପୁର ଜିଲ୍ଲା ରେଢାଖୋଲ ବ୍ଲକ ବନ୍ତଲୋଇ ଗାଁର ପ୍ରାୟ 52ଟି ପରିବାରଙ୍କ ଶେଷରେ ଦୂର ହୋଇଛି ପାନୀୟ ସମସ୍ୟା ।
ଜଳକଷ୍ଟ ଦୂର କଲା ଝରଣା
ପାଣି ବୁନ୍ଦାଏ ପାଇଁ ଦିନେ ଯେଉଁ ଗ୍ରାମବାସୀ ଡହଳ ବିକଳ ହେଉଥିଲେ । ଆଜି ସେଠି ଚିରସ୍ରୋତା ବଡଖୋଲ ଝରଣା ଜୀବନ ବଦଳାଇଛି । ଗାଁ ପାଖ ଜଙ୍ଗଲ ଦେଇ ବୋହିଯାଉଥିବା ଏହି ଝରଣାକୁ ପ୍ରାକୃତିକ ଉପାୟରେ ବ୍ୟବହାର କରି ଲାଘବ ହୋଇଛି ଜଳକଷ୍ଟ ।