ସମ୍ବଲପୁରରେ ସଡକ ଦୁର୍ଘଟଣା: ୨ ମୃତ ଜଣେ ଗୁରୁତର

ସମ୍ବଲପୁରରେ ମର୍ମନ୍ତୁଦ ସଡକ ଦୁର୍ଘଟଣା । ଟ୍ରକ ଧକ୍କାରେ ୨ ମହିଳାଙ୍କର ମୃତ୍ୟୁ ହୋଇଥିବା ବେଳେ ବାଇକ ଚାଳକ ଆହତ ହୋଇଛନ୍ତି । ଅଧିକ ପଢ଼ନ୍ତୁ

ସମ୍ବଲପୁର: ମୁମ୍ବାଇ କୋଲକାତା ଜାତୀୟ ରାଜପଥରେ ମର୍ମନ୍ତୁଦ ସଡକ ଦୁର୍ଘଟଣା । ବୁର୍ଲା ଥାନା ଅନ୍ତର୍ଗତ ଗୋଡ଼ଭଗା ଠାରେ ଘଟିଥିବା ଏହି ଦୁର୍ଘଟଣାରେ ୨ ଜଣ ମହିଳାଙ୍କର ମୃତ୍ୟୁ ହୋଇଛି । ମୃତକ ହେଲେ ବରଗଡ଼ ଜିଲ୍ଲା ଭେଡେନ ଥାନା ଅଞ୍ଚଳର ସୁରେନ୍ଦ୍ର ଗରିଆଙ୍କ ସ୍ତ୍ରୀ ଅନିତା ଗରିଆ ଓ ଖୁଡ଼ୀ ମିଥିଲା ଗରିଆ । ଏହି ଦୁର୍ଘଟଣାରେ ବାଇକ ଚାଳକ ସୁରେନ୍ଦ୍ର ଗରିଆ ଗୁରୁତର ଆହାତ ହୋଇଛନ୍ତି ।

ସୂଚନା ଅନୁସାରେ, ୩ ଜଣ ଗୋଟିଏ ବାଇକରେ ବସି ବୁର୍ଲା ଭୀମସାର ମେଡିକାଲକୁ ଆସୁଥିଲେ । ଏହି ସମୟରେ ଏକ ଟ୍ରକ ବାଇକକୁ ଧକ୍କା ଦେଇ ଫେରାର ହେଇଯାଇଛି । ଘଟଣା ସ୍ଥଳରେ ୨ଜଣଙ୍କ ମୃତ୍ୟୁ ହୋଇଥିବା ବେଳେ ସୁରେନ୍ଦ୍ର ଆହତ ହୋଇ ଚିକିତ୍ସା ପାଇଁ ମେଡିକାଲରେ ଭର୍ତ୍ତି ହୋଇଛନ୍ତି । ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଜବତ କରିବା ସହ ବ୍ୟବଛେଦ ପାଇଁ ପଠାଇଛି । ଧକ୍କା ଦେଇଥିବା ଟ୍ରକକୁ ଚିହ୍ନଟ କରିବା ପାଇଁ ପୋଲିସ ତଦନ୍ତ ଆରମ୍ଭ କରିଛି ।

ଇଟିଭି ଭାରତ, ସମ୍ବଲପୁର