ସମ୍ବଲପୁର: କେନ୍ଦ୍ରୀୟ ଶ୍ରମିକ ସଂଗଠନ ମିଳିତ ମଞ୍ଚ ଓଡିଶା ରାଜ୍ୟ,ସମ୍ବଲପୁର ଶାଖା ପକ୍ଷରୁ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ 12 ଦଫା ଦାବି ନେଇ ବିକ୍ଷୋଭ ପ୍ରଦର୍ଶନ କରାଯାଇଛି । କେନ୍ଦ୍ର ସରକାର କରିଥିବା ଶ୍ରମ ଆଇନରେ ପରିବର୍ତ୍ତନ, ଡ୍ୟୁଟିର ସମୟକୁ 8 ଘଣ୍ଟାରୁ 12 ଘଣ୍ଟାକୁ ବୃଦ୍ଧି କରିବା, ଏହା ସହ ବିଭିନ୍ନ ଲାଭଦାୟକ ସରକାରୀ ସଂସ୍ଥା ଗୁଡିକୁ ଘରୋଇକରଣ କରିବା ପାଇଁ ସରକାର ନେଇଥିବା ନିଷ୍ପତ୍ତି ଏବଂ ଦରଦାମ ବୃଦ୍ଧି ଆଦିକୁ ବିରୋଧ କରି ଏହି ବିକ୍ଷୋଭ ପ୍ରଦର୍ଶନ କରାଯାଇଛି ।
ସମ୍ବଲପୁରରେ 12 ଦଫା ଦାବି ନେଇ କେନ୍ଦ୍ରୀୟ ଶ୍ରମିକ ସଂଗଠନର ବିକ୍ଷୋଭ
ଏହି ପ୍ରତିବାଦ ସର୍ବଭାରତୀୟ ସ୍ତରରେ ହେଉଛି । ଲକଡାଉନର ସୁଯୋଗ ନେଇ ସରକାର କେତେକ ବିଲ ପାସ କରିବା ସହ ଯେଉଁ ପଦକ୍ଷେପ ସବୁ ନେଉଛନ୍ତି ତାହା ଶ୍ରମିକ ଓ କୃଷକ ବିରୋଧୀ ଅଟେ ବୋଲି କେନ୍ଦ୍ରୀୟ ଶ୍ରମିକ ସଂଗଠନ ମିଳିତ ମଞ୍ଚ ପକ୍ଷରୁ କୁହାଯାଇଛି। ଏନେଇ ବୁଧବାର ସମ୍ବଲପୁର ଜିଲ୍ଳାପାଳଙ୍କ ଜରିଆରେ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରାଯାଇଛି।