ସମ୍ବଲପୁର: ଗୁରୁବାର ହେଉଛି ପବିତ୍ର ମହାଳୟା ତିଥି। ଏହି ତିଥିରେ ମା' ସମଲେଶ୍ବରୀ ଧବଳମୁଖୀ ବେଶରେ ଭକ୍ତ ଓ ଶ୍ରଦ୍ଧାଳୁଙ୍କୁ ଦର୍ଶନ ଦିଅନ୍ତି । ତେବେ ଏଥର କୋରୋନା କଟକଣା ଯୋଗୁ ମା'ଙ୍କ ଏହି ବେଶକୁ ଭକ୍ତମାନେ ପ୍ରତ୍ୟକ୍ଷ ଭାବେ ଦର୍ଶନ କରିବାରୁ ବଞ୍ଚିତ ହେବେ। ଏଭଳି ପରିସ୍ଥିତିରେ ସମଲେଶ୍ୱରୀ ମନ୍ଦିର ଟ୍ରଷ୍ଟ ବୋର୍ଡର ଅଫିସିଆଲ ଫେସବୁକ ପେଜରେ ଭକ୍ତମାନେ ମାଙ୍କ ଦର୍ଶନ କରିପାରିବେ ।
ଗୁରୁବାର ସମଲେଶ୍ୱରୀଙ୍କ ଧବଳମୁଖୀ ବେଶ,ମାଆଙ୍କ ପାଇଁ ଆସିଲା ବନାରଶି ପାଟ ବର୍ଷ ତମାମ ମା ସିନ୍ଦୂର ରଙ୍ଗରେ ଦର୍ଶନ ଦେଉଥିବାବେଳେ କେବଳ ମହାଳୟା ତିଥିରେ ଧବଳମୁଖୀ ବେଶ ବା ଶୁଭ୍ର ରଙ୍ଗରେ ଦର୍ଶନ ଦିଅନ୍ତି। ମା'ଙ୍କୁ ଏହି ବେଶରେ ଦର୍ଶନ କଲେ ଗଙ୍ଗା ସ୍ନାନର ପୁଣ୍ୟ ମିଳିଥାଏ ବୋଲି ବିଶ୍ୱାସ ରହିଛି ।
ଗୁରୁବାର ସମଲେଶ୍ୱରୀଙ୍କ ଧବଳମୁଖୀ ବେଶ,ମାଆଙ୍କ ପାଇଁ ଆସିଲା ବନାରଶୀ ପାଟ ଏଥର ମା' ସମଲେଶ୍ୱରୀଙ୍କ ପାଇଁ ଶୁଭ୍ରବର୍ଣ୍ଣର ବନାରସୀ ପାଟ ଆସିଥିବାବେଳେ ପୂଜକଙ୍କ ପାଇଁ ମଧ୍ୟ ଧଳା ରଙ୍ଗର ବସ୍ତ୍ର ପ୍ରଦାନ କରିଛି ମା' ସମଲେଶ୍ୱରୀ ମହିମା ପ୍ରଚାର ସମିତି । ଏଥର ସମସ୍ତ ପୂଜକ ଧଳା ବସ୍ତ୍ର ପରିଧାନ କରି ମାଙ୍କ ଧବଳମୁଖୀ ବେଶର ପୂଜାର୍ଚ୍ଚନା କରିବେ ବୋଲି କୁହାଯାଇଛି ।
ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ
