ରାସ୍ତା ପାରବେଳେ ହାତୀକୁ ଧକ୍କା ଦେଲା ପିକଅପ ଭ୍ୟାନ, ଚିକିତ୍ସା ପାଇଁ ପହଞ୍ଚିଲା ଡାକ୍ତରୀ ଟିମ

ପିକଅପ ଭ୍ୟାନ୍‌ ଧକ୍କାରେ ମାଈ ହାତୀ ଆହତ । ଚିକିତ୍ସା ପାଇଁ ପହଞ୍ଚିଲା ଡାକ୍ତରୀ ଟିମ । ଘଟଣା ଘଟିଛି ସମ୍ବଲପୁର ଜିଲ୍ଲା ବାମରା ବନଖଣ୍ଡ ବଡରମା ରେଞ୍ଜ, ବନଜାରି ରେଞ୍ଜ ଅଞ୍ଚଳରେ । ଅଧିକ ପଢନ୍ତୁ

ସମ୍ବଲପୁର : ଜିଲ୍ଲାର ବାମରା ବନଖଣ୍ଡ ବଡରମା ରେଞ୍ଜ ବଞ୍ଜାରି ନିକଟରେ ଏକ ୨୩ ଟିକିଆ ହାତୀପଲ ରାସ୍ତା ପାରି ହେଉଥିବାବେଳେ ମାଈ ହାତୀକୁ ଧକ୍କା ଦେଲା ପିକଅପ ଭ୍ୟାନ । ହାତୀର ଗୋଡରେ ଆଘାତ ହୋଇଥିବାବେଳେ, ହାତୀର ଚିକିତ୍ସା ପାଇଁ ରାଉରକେଲା ଓ ବାରିପଦାରୁ ବିଶେଷଜ୍ଞ ଡାକ୍ତର ଆସିଥିବା ବାମରା ଡିଏଫଓ ସୂଚନା ଦେଇଛନ୍ତି ।

ଧକ୍କା ଦେଇଥିବା ପିକଅପ ଜବତ କରାଯାଇଥିବାବେଳେ କେଉଁ ପରିସ୍ଥିତିରେ ଦୁର୍ଘଟଣା ହେଲା ସେନେଇ ଡ୍ରାଇଭରକୁ ପଚରାଉଚରା କରାଯାଉଛି । ହାତୀ ପଲ ବର୍ତ୍ତମାନ ଗୁଜାପଥର ଅଞ୍ଚଳରେ ରହିଥିବାବେଳେ ଆହତ ହାତୀଟି ଚଲାବୁଲା କରୁଥିବା ଏବଂ ତାଙ୍କ ଉପରେ ବନ କର୍ମଚାରୀ ନଜର ରଖିଥିବା ଡିଏଫଓ କହିଛନ୍ତି ।

ଇଟିଭି ଭାରତ, ସମ୍ବଲପୁର