ସମ୍ବଲପୁର: ଦେଶରେ ଜାରି ରହିଛି ଲକ ଡାଉନ । ଅତ୍ୟାବଶ୍ୟକୀୟ ନଥିଲେ ଲୋକଙ୍କୁ ଘରୁ ନ ବାହାରିବା ପାଇଁ ସରକାର ନିର୍ଦ୍ଦେଶ ଜାରି କରିଛନ୍ତି । ଏହି ସମୟରେ ବୁର୍ଲା ବ୍ଲଡ଼ ବ୍ୟାଙ୍କରେ ରକ୍ତର ବହୁତ ଅଭାବ ଲାଗି ରହିଛି । ଲକ ଡାଉନ ଯୋଗୁ କୌଣସି ସ୍ଥାନରେ ରକ୍ତ ଦାନ ଶିବିର ମଧ୍ୟ ଆୟୋଜନ ହୋଇ ପାରୁନି । ଏ ପରିସ୍ଥିତିରେ ବୁର୍ଲା ବଡ଼ ମେଡିକାଲକୁ ଆସୁଥିବା ରୋଗୀଙ୍କୁ ରକ୍ତର ଆବଶ୍ୟକତା ପଡିଲେ ବହୁ ସମସ୍ୟାର ସମ୍ମୁଖୀନ ହେଉଛନ୍ତି ।
ଏଥିପାଇଁ ଏହି ରକ୍ତର ଅଭାବକୁ ଦୂର କରିବା ପାଇଁ ହୀରାକୁଦ ଅଞ୍ଚଳର କିଛି ଯୁବକ ରେଙ୍ଗାଲିର ରାମଚନ୍ଦ୍ର ନଗର ଦୁର୍ଗା ପୂଜା କମିଟିର କିଛି ସଦସ୍ୟଙ୍କୁ ବୁର୍ଲା ବ୍ଲଡ଼ ବ୍ୟାଙ୍କକୁ ରକ୍ତଦାନ କରିବାକୁ ଅନୁରୋଧ କରାଯାଇଥିଲା । ଏହି ଅନୁରୋଧକୁ ରକ୍ଷା କରି ଏହି ପୂଜା କମିଟିର 17 ଜଣ ଯୁବ ସଦସ୍ୟ ବୁର୍ଲା ବ୍ଲଡ଼ ବ୍ୟାଙ୍କରେ ରକ୍ତଦାନ କରିଛନ୍ତି । ଫଳରେ 17 ୟୁନିଟ ରକ୍ତ ସଂଗ୍ରହ ହୋଇଛି । ହୀରାକୁଦର ଯୁବ ସମାଜସେବୀ ଅବିନାଶ ମିଶ୍ର ଓ ରେଙ୍ଗାଲି ର ଝଡକେତନ ମେହେରଙ୍କ ପ୍ରଚେଷ୍ଟାରେ ଏହି ରକ୍ତଦାନ ଆୟୋଜିତ ହୋଇଥିଲା
ସମ୍ବଲପୁରରୁ ବାଦଶାହା ଜୁଷ୍ମନ ରଣା, ଇଟିଭି ଭାରତ